80. De sancto Piato.

In 1. Vesperis.
Antiphonae.

1. Clara patris nostri

celebremus festa Piati,
Quae resonant toto

populis insignia mundo.

2. Regia coelestis

exsultans perstrepet omnis,
Ad superos sanctum
digne migrasse Piatum.

3. Est igitur dignum,

nos exorare Piatum,
Ut faciat Domino

condignos esse superno.

4. Ergo preces coelo

praesentans, martyr, in alto
Fac, ut in aeternum
valeamus vivere tecum.

5. Jam Domino vivens

et summa pace quiescens,
Ora pro famulis,
sancte Piate, tuis.

In 1. Nocturno.
Antiphonae.

1. Insignis Beneventana
tellure Piatus
Claris effulsit

mundo natalibus ortus.
2. Felices sanctum

patres genuere Piatum,
Qui Christum corde
toto dilexit habere.
3. Crevit adolescens,

pueriles vicit et annos,
Moribus eximiis

totum se rite perornans.

Responsoria.

1. In tellure Beneventi

claris ortus patribus,
Insignis mundo Piatus

sacris fulsit moribus,
V. Mox puer Christum sequendo

admiraudis nisibus.
2. Post adultus vilipendit

vanam mundi gloriam,
De suis nihil reservans

praeter vestem simplicem
V. Et, quaecunque possidebat,

dans fomentis pauperum.
3. Romam pergit jam vir exstans

illic et conjungitur
Dionysio suisque

sanctis consodalibus
V. Et nitentium virorum

lumen auget additus.

In 2. Nocturno.
Antiphonae.

1. Caesar ut audivit

populos divina docere,
Praecepit gladio

caput ejus ut amputaretur.

Responsoria.

1. His profectis praedicare
Christum genti Gallicae
Tornacum Piatus urbem
se direxit inclitus,
V. Cum Parisius beatus

iret Dionysius.
2. Ergo diffundendo late
sancta verbi semina
Christo convertit virorum
ter decena milia
V. Praeter parvos et secundi
sexus turbam maximam.

3. Gemmis inter haec corruscans
virtutum miraculis,
Edomabat parcitate
dura vires corporis.

V. Ut frangendo roboratus
hosti non succumberet,
Quem misellis incumbantem
debellare venerat.

In 3. Nocturno.

Antiphonae.

1. Martyris ad sancti

veniunt quicunque sepul-
chrum,
Ipsius meritis

toto a languore levantur.

2. O martyr Domini

Christi, verande Piate,
Sis nobis clemens,

quamvisnon corporepraesens.

Responsoria.

1. At Caesar Maximianus,
virulentis auribus
Ut famam sancti Piati
hausit de magnalibus,
V. Comprehendi jussit eum
ad necandum protinus,
Si non vellet idolorum
applicari cultibus.

2. Ille militare promptus
atque vinci nescius,
Nexus vicit, flagra vicit,
vicit omnes impetus,
V. Decollatus namque tandem,
laeto coetu martyrum
Palmam gessit laureatus
ad coeli palatium.

3. Dumque gleba conderetur
pretiosi martyris,
Fusus est odor superni
circum crura nectaris,
V. Ne quid mundus haesitaret
de salute spiritus,
Cujus carni comprobaret
deserviri coelatus.