84. De beata Maria V.

1. Laude dico gloriosae

Mariae praeconia,
Cujus nitet instar rosae

Vita plena gratia,
Per quam nobis gratiose

Dat Deus salubria.
2. Haec est virgo Christi mater,

Pia, prudens, humilis,
Per quam noster factus frater

Est Jesus amabilis,
Ut volebat Deus pater

Miseris placabilis.
3. Virgo David stirpe nata

Absque culpae macula,
Angelo praenuntiata

Exstat per oracula,
Prophetis manifestata,

Pangenda per saecula.

4. Virgo Christi Joseph nupta
Divino consilio
Spirituque fecundata

Summi Dei filio,
Sicut Gabriel testatur
Missus coeli solio.
5. Virgo parit Deum verum
Hominemque pariter,
Expellens hostem severum

A nobis benigniter,
Ut cor nostrum fiat merum
Fide Christi jugiter.
6. Quam sit potens haec regina,
Coeli, terrae domina,
Pangunt carmina divina

Super coeli culmina,
Plangit hostis pro ruina
Dejectus a femina.

7. Nam est reconciliatus
A lapsu gravissimo,

Sensit vitae Deo datus
Theophilus piisimo,

Per Mariam liberatus
Ab hoste nequissimo.

8. Nunc, o virgo, mater Christi,
Omni plena gratia,
Cui semper placuisti

Cum virtutum gloria,
Transfer nos a morte tristi
Ad coeli palatia.

9. Ut in coelo iucundemur
Cum sanctorum coetibus

Atque Deum reveremur
Cum sanctorum coetibus

Et in ipso gratulemur
Pleno bonis omnibus.

10. Gloria sit trinitati

Laudis polo jugiter
Simplaeque divinitati
Virtus aeternaliter,
Qui Mariae caritati
Jungat nos perenniter.