83. De sancta Cruce.

1. Alleluia,

2. Nunc crucis almae canta
gaudia,

3. Plebs Christi sanguine
redempta,

4. Laudes proclamans,
voce sonans clara:
Quoniam benignus est
Dominus per cuncta
saecula,

5. Qui morte sua
a morte nos salvat
Ac trucis diaboli
servitute dira
liberat.

6. Etenim mala
nostra pius pater
miserans

7. Filium sibi

consimilem misit
in terram,

8. Ut Deus verus
homo verus fieret
absque sordis macula.

9. Oboediensque

patri venit in mundum
summa sapientia.

10. Ecce, Deus,
virginis filius,
famem, sitim tolerans
pro nobis plorat,

11. Probra suffert,
alapas, flagella,
coronatur corona
caput spinea.

12. Cruce clavis fixus in
alta vita nostra

13. Moritur atque die
resurgit tertia.

14. Ipsi honor, laus et potestas perpetua
in saecula sit sempiterna.