88. De sancto Severo.

I n 1. Vesperis.
Ad Magnificat.

A. Agathensis

gaude diocesis
Ob Severi

patris solemnia,
Tranquilletur

bellorum phrenesis,
Regnet fides,

pax et concordia,
Conquiescat

mater ecclesia,

Relegetur

dolus, fraus, haeresis,
Nostra Deum

collaudet phronesis
Confessoris

narrans praeconia.

Ad Matutinu m.
Invitatorium.
Christo regi, Deo vero,
Jubilemus in Severo,
Quem ad coelum vis superna
Die vexit hodierna.

In 1. Nocturno.

Antiphonae.

1. Sancti Severi Syria
Natalis fuit patria,
Cui regali gloria
Fulserunt natalitia.

2. In annis pueritiae
Vitans caenum lasciviae
Recta se dedit acie
Literali scientiae.

3. Sacris vacans operibus
Mores ornat virtutibus,
Pernox in Dei laudibus
Genus transcendit moribus.

Responsoria.

1. Dum teneret

antistes Beticus
Agathensis

sedis regimina,
Animarum

fidelis medicus,
Pia suis

praestans solamina,
En ad patris

ejusdem familia
Se direxit

hospes theoricus,
V. Redditur hic laetus,

senis almi famine fretus,

2. Perorante

pio pontifice
Sacris paret

Severas monitis
Et sub tanto

salutis indice
Pedem figit

in Dei semitis
Et per hujus

verbum antistitis
Caritatis

firmatur apice,
V. Hac virtute foris

emittitur aura timoris.

3. Confirmatus

Severus propere
Viro Dei

censum exhibuit,
Quem susceptum

in turba paupere
Dispergendo

bene distribuit,
Sic, quae mente

jam dudum tenuit,
Venerando

complevit opere,
V. Praemia debentur

his, qui miseris miserentur.

In 2. Nocturno.
Antiphonae.

1. Multo fractam jejunio
Carnem subegit ratio,
Cujus datur officio
Spiritalis refectio.

2. Cilicino velamine

Contentus absque stramine,
Crudo pastus legumine,
Puro potatur flumine.

3. Paternis rebus venditis,
Suis prorsus postpositis,
Intrat cum paucis subditis
Salum Aegei gurgitis.

Responsoria.

1. Jam impensis

thesauris omnibus
Semet volens

superimpendere,
Domum brevem,

cannis et sudibus
Ad manendum

sategit struere,
Ibi curans

praesenter serere,
Quod futuris

prodesset messibus,
V. Urbs erat in cura,

non praesens, immo futura.

2. Brevi dia

clausus tugurio
Multum Deo

quaesiyit populum,
Nulla veste

nisi cilicio
Despicatum

velans corpusculum,
Raro carnis

assumens pabulum
Maceratur

longo jejunio,
V. Sumpta solet rarae

motus cutis esca domare.
3. Ne lateret in tenebris
Ultra vas plenum lumine,
Fit sancto domus celebris,
Ut sub ejus regimine
Plures in Dei nomine
Starent pulsis illecebris ;
V. Gratia fraterna

viget in bonitate paterna.

In 3. Nocturno.
Antiphonae.

1. Tyrrhena sulcans aequora
Subit Arauri litora,
Hic fixa stetit anchora,
Fessa respirant pectora.

2. Post navale periculum
Christus dilectum famulum
Misit salutis bajulum
Ad Agathensem populum.

3. Haec urbs in fauce Gothica,
Licet situ sit modica,
Fide tamen catholica
Regna fatetur coelica.

Responsoria.

1, Jucundatur

Severi sanctitas
In adventu

devote passeris,
Cujus per hunc

famis austeritas

Saturator

ex dono Cereris,
Mox nullius

delictum sceleris
Solvit pedis

reducta sanitas,
V. Si frons seu cedidit

passer, Deus omnia vidit.

2. Cum senator

urbis Salustius
Vivens sibi

sepulchrum foderet,
Edocetur,

quod ejus filius
Hic defunctus

prior quiesceret,
Ut Severus

per hoc claresceret
Et futuro

fuisse praescius;
V. Dona prophetiae

dedit illi neuma sophiae.

3. Praedicatur

in evangelio,
Quod Severus

claret ex actibus,
Nam de trium

panum compendio
Sexaginta

trecentis fratribus
Cibum dedit

esurientibus,
Et divini

doni refectio
Mancipatis

Christi servitio
Per tres dies

suffecit omnibus ;
V. Qui turbas pavit,

sua munera multiplicavit.

Prosellus.

Corde mero Deo vero
Psallat nostra concio,

In Severo laus in clero
Fit et jubilatio.

Agathensis in condensis

Excitetur unio
Et immensis fit offensis

Indulta remissio.
Ergo piae prophetiae

Praedite praeconio,
Nobis diae da sophiae

Frui beneficio.
Isti praesto clemens esto,

Severe, collegio
Et hoc festo nos modesto

Refice solatio.

In Laudibus.
Antiphonae,

1. Prophetiae

doctus scientia
Futurorum

solvit mysteria,
Per susceptum

Severus triticum
Ampliavit

penu dominicum.

2. Venerando

confectum senio
Confessorem

purgat confessio,
Et futurum

pavescens exitum
Suum Deo

comendat spiritum.

3. Coeli cives

procedunt obviam
Deducentes

servum ad patriam,
Et ingressus

regna clarissima
Jam cum Christo

regnat in anima.

4. Benedictus

rex summae gloriae,
Qui Severum

coelestis curiae
Gaudiorum

fecit participem

Contemplando

supremum principem.

5. Hymnus sanctis

debetur omnibus,
Qui Severum

plenum virtutibus
Adsciverunt

ad coelos hodie
Decoratum

corona gloriae.

Ad Benedictus.
A. Ad sepulchrum

patroni nobilis
Larga Christi

virtus exuberat,
Ibi claudo

pes datur agilis,
Lingua muti

se sponte reserat,
Hic colorem

leprosus alterat,
Ad videndum

fit caecus habilis,
In aeternum

Deus laudabilis,
Benedictus,

qui cuncta prosperat.

In 2. Vesperis.
Ad Magnificat.
A. O Severe,

coelestis viola,
Paradisi

conserte liliis,
Angelorum

effectus accola,
Sempiternis

inclite gaudiis,
Tuis tuos

fove consiliis,
Hanc ad urbem

frequenter advola
Et emundans

a labe subdola
Permansuris

muni praesidiis.