86. In Transfiguratione Domini.

1. Eia recolamus laudibus
diem istum,
in quo transfiguratus
est Dominus
Iesus Christus.

2. Tribus cura discipulis
ascendit
montem sanctum,

3. Et coram illis ut sol
facie
resplenduit,

4. Et vestimentis
ut nix candens
emicuit.

5. Caelica voxque
ei patris
insonuit:

6. "Hic meus filius in
omnibus mihi
complacuit."

7. Deinde binos ibi
[secum] vates
exhibuit:

8. Moysem
Helyamque
veteres testes
adhibuit,

9. Qui eius
excessum in
Hierusalem
testificarent.

10. Ad patris vocem
prostrati
sunt discipuli.

11. Prae cunctis Petrus:
"[Hic] fiant
tabernacula,

12. Tibi, Domine, unum
Moysi
Helyaeque alterum."

13. At Iesus accessit et
prostratos
erexit discipulos.

14. Qui contestans, ne cuiquam
illam visionem dicerent,

15. Donec a mortuis caro
sancta eius resurgeret.

16. Unde, fratres.

precemur conformes
eius claritati
existere,

17. Qui cum patre
et spiritu sancto
est idem filius
consimilis.

18. In aeterna saecula
simul nos manere
concedat Dominus. Amen.