94 MEXICANA

gnitate praefulgeat, unam in die celebrare missam sufficiat ». Quamobrem Innocentii legem, ceu cuique compertum est , iugiter tenuit, ac tenet universa Ecclesia. Licet vero ab hac generali lege excepta fuerit necessitas, non quaecumque ne- cessitas sufficit, sed ea requiritur, cui aliunde occurri ne- queat.

Hisce breviter expositis, circa antiquam et praesentem Ecclesiae praxim, quoad missae iterationem, oratoris peti- tioni non videtur annuendum. Et sane, Uteris Episcopi at- tente ponderatis, ab Eo allatis, prima vice anno 1878, vi- detur quod ratio ad obtinendam huiusmodi facultatem desu- mitur ex inopia fidelium, qui in tanta egestate versantur, ut consuetum stipendium sacerdoti unam Missam celebranti elargiri non valeant: ex quo videtur innui, quod si fideles haud tanta paupertate laborarent, non esset necessaria huius- modi missae iteratio. At vero egestas fidelium nihil prodest ad hanc facultatem obtinendam, cum Archiepiscopus ex piis oblationibus aliisque Ecclesiae bonis optime valeret consu- lere stipendiis missarum ita, ut tali modo alia, quae lamen- tatur, averterentur mala.

Verum quidem est quod etiam sacerdotum penuria ad- ducitur, quae fortassis ratio sufficiens esse videtur ad indul- tum concedendum. At si perpendas quod isti in tantum mis- sam itérant in quantum missarum emolumenta percipiunt, potentior exurgeret ratio ad indultum denegandum exortum- que compescendum abusum. Scitum enim est quod in facul- tate binandi, quae a S. C. C. conceditur, apertis verbis ca- vetur ne pro secunda missa eleemosyna recipiatur.

Neque iuvat plurium annorum consuetudinem adducere, ac si haec naturam praescriptionis indueret: quia licet ec- clasiastico iure prohibeatur ne sacerdos pluries in die cele- bret, tamen multa, quae sola Ecclesiae auctoritate sancita fuere, praescribi nequeunt. Cum enim universa disciplina ad plurimos abusus compescendos inducta fuerit, facile eveniret ut ex hominum malitia eadem mala in dies irreperent in Ecclesiam Dei cum maximo fidelium ac religionis discrimine.