94. De ss. Tiberio, Modesto et Plorentio.

In 1. Vesperis
Ad Magnificat,
A. Agathensis

exsulta regio
Venerandi

virtute bravii,
Spiritali

laetare gaudio
Sacrosancta

morte Tiberii,
Quem [benigna]

Christi dignatio
Coronavit

digno martyrio
Jam securum

de bono praemii.

Ad Matutinum.
In vitatorium.
Christum natum salvatorem

Sonet vox fidelium,
Qui revexit ad decorem

Martyrem Tiberium.

In 1. Nocturno.
Antiphonae.

1. Ex illustri

natus prosapia,
Sublimatus

opum praestantia,
Morum tamen

luce Tiberius
Genus vicit

martyr eximius.

2. Intra metas

consistens parvuli
Blandimenta

contempsit saeculi
Et amplexans

Dei scientiam
Ad baptismi

pervenit gratiam.

3. Tribunali

puer expositus,
Cum audiret
minas interitus,

Cur, o Caesar,
exclamans desipis

Responsoria.
1. Blandiente

patre Tiberio
Sonant plausus

et cantus musici,
Sed fidelis

athletae ratio
Non est mota

cantu multiplici,
Sed nec patri

cedit nec judici
Saniori

fretus consilio.
V. Regnum terrenum

et opes reputat quasi caenum.
2. Orans martyr

intra cubiculum
Miro fulget

decore luminis,
Quod ut pater

novit miraculum,
Numen ratus

gentilis nominis,
Mox subinstrans

interna liminis
Angelorum

videt oraculum ;
V. Lucem fulgoris

dulcor comitatur odoris.

3. Dum rimatur

dotes aethereas,
Quas gentili

non licet cernere,
Oculorum lumen

infelix Heleas
Se caecatum

gemit amittere,
Sed Jupiter

quas nequit reddere,
Reddit martyr

videndi lineas ;
V. Subvenit ingrato

patri data gratia nato.

In 2. Nocturno.
Antiphonae.

1. Aes conflatum

atque sculptilia
Non sunt dii

sed sunt daemonia,
Quibus rerum

factor offenditur,
Et tormentum

mortis acquiritur.
2. Princeps irae

furore rabidus,
Insultantem

mactare cupidus,
Fustes ferri

jubens in medium
Sanctum caedi

fecit Tiberium.
3. Post exactum

rigorem fustium
Latomorum

saevit exitium,
Has pro Christo

martyr injurias
Sponte ferens

impendit gratias.

Responsoria.

1. Puer coeli

ducente nuntio
Transmigravit

Modesto comite
Avis miro

pastus subsidio,
Ab Arauri

non longe gurgite
Umbra cedri

virentis hospitae
Pro solemni

fuit hospitio.
V. Eruit hic multos

vitiis et morte sepultos.

2. Accersitus

martyr Tiberius
Romam venit
cum regis nuntio,

Ubi regis

ejusdem filius
Torquebatur

gravi daemonio,
Quod juvenis

sola praesentia
Effngavit

per Dei filium.
V. Data est spes juveni

curata peste veneni.
3. Rex non valens

pondo peccuniae
Inclinare

sanctum numinibus,
Jam effectus

ingratus gratiae,
Cruciandum

dedit tortoribus.
V. Tunc adstrictum

ferri ponderibus
Cum Modesto

tradunt carceribus.

In 3. Nocturno.
Antiphonae.

1. Dum saevirent

tortorum brachia,
Aruerant

Dei potentia,
Sed et judex

justo judicio
Gemit manus

dolore nimio.
2. Rex affectus

dolore dexterae
Magum [sibi]

jubet accedere,
Qui per artem

agendo perperam
Fecit magis

arere dexteram.
3. Martyr artis

perversae nescius
Supplex orat,

ut Dei filius

Sanitatem

regi restituat,
Atque statim

id ipsum impetrat

Responsoria.

1. In catasta

sacris martyribus
Cum beata

tensis Florentia
Terrae motu

prostratis pluribus
Rex confusus

redit ad propria,
Viri sancti

virtute spiritus
Reportantur

ad locum pristinum,
Ubi vitae

sortiti terminum
Et ad lucis

translati Dominum
Coronantur

honore coelitus,
V. Merces sanctorum

Deus est amator eorum.

2. O victorum

invicta caritas,
O Tiberi,

martyr mirifice,
Cujus mundum

subegit pietas
Et cultores

sortis phantasticae,
Audi preces

plebis catholicae,
Posce Christum,

ut ejus bonitas
Reddat nobis

virtutes perditas
Et splendorem

lucis deificae;
V. Digneris fieri

nobis pius, alme Tiberi.

In Lau dibus.

Antiphonae.

1. Indutus fortitudine
Sanctus martyr Tiberius
Mundum subegit sanguine,
Quem Caesar fudit impius,
Viventis Dei nescius,
Deceptus deorum numine.

2. Jubilet in laetitia
Totius vox ecclesiae,
Sanctorum patrocinia
Commendando memoriae,
Qui cum palma victoriae
Coeli tenent fastigia.

3. Quem sitiebat anima,
Quaesivit carne Dominum,
Flagra ferens asperrima
Venit ad patrem luminum
Post hujus vitae terminum
Regna tenens altissima.

4. Qui tres inclusus eruit
De fornacis incendio
Suos athletas voluit
Sublimare martyrio,
Nam ipsis sacra passio
Portas lucis aperuit.

5. Reges et omnes populi,
Senes cum junioribus,
Laudate regem saeculi,
Qui regnum suis testibus
Firmavit in coelestibus,
Quod nulli tollunt aemuli.

Ad Benedictus.
A. Ad sepulchrum

patroni nobilis
Larga virtus

Christi exuberat,
Ibi claudo

pes datur agilis,
Lingua muti

se sponte reserat,
Hic colorem

leprosus alterat,
Ad videndum

fit caecus habilis,
In aeternum

Deus laudabilis
Benedictus,

qui cuncta prosperat.

In 2. Vesperis.
Antiphonae.
A O Modeste,

cujus modestia
Dirum mundi

calcavit principem,
Christi regis

ferens insignia
Ventilasti

superbum judicem,
Audi preces

tuorum supplicum,
Ut adepta

culparum venia
Consequamur

lucis solatia,
Regnum pacis

et stolam duplicem.