DEFINITIONES.

Haec sunt definitiones factae in Capitulo generali Narbonae praedicto, quamvis in aliquo renovatae et modificatae sint .

Quilibet Guardianus studeat sollicita diligentia in domo sua Constitutiones generales habere, quas ipse sub custodia reservet et caveat, quod ab extraneis nullatenus communicentur. Ipsas etiam Constitutiones faciat semel in mense suis Fratribus legi, ubi et quando sibi videbitur expedire, maxime septem capitula prima, quae omnem tangunt communitatem . Et istis publicatis veteres destruantur.

Studeant Ministri, quod usque ad sequens Capitulum generale littera Breviariorum et Missalium corrigatur ad exemplar verius , quod habere poterunt, secundum Constitutiones Ordinis approbatas.

Obsecrat generalis Minister cum generali Capitulo universo omnes Fratres, voluntarie in Quadragesima sancti Francisci in Conventu una refectione esse contentos ad amovendas multas deordinationes et ad obtinendam benedictionem paternam, exceptis hospitibus, debilibus et infirmis.

Interdicimus, quod nullus de cetero capiatur locus, unde Fratres absque congregatione bladi et vini vivere non possint ; et ubicumque locorum hujusmodi abusio pro viribus exstirpetur .

Studeant Ministri Fratrum loquocitates restringere et Fratres ad silentium inducere in suis Capitulis, in mensis etiam extra refectorium, cum Capitulum generale in hoc concordaverit.

Pueri servitores Fratrum non servent pecuniam datam pro Fratribus.

Collectiones pecuniarum pro Fratribus in Fratrum praedicationibus nullatenus fieri permittantur.,

Thuribula, cruces et ampullae de argento omnino amoveantur. Et de celero calices simplices fiant in opere plano et pondus duarum marcharum et dimidiae non excedant; nec plures calices quam altaria habeantur, excepto uno pro Conventu.

Definimus, quod Custodes et Guardiani habeantur pro praelatis, et Generalis eis curam animarum committit, et Guardiani in omnibus obediant Custodibus suis . Caveant tamen, ne in suis officiis ad invicem se perturbent.

Generalis vult, quod Minister provincialis non committat alicui receptionem Fratrum extra suam Provinciam nisi in studiis generalibus: et quod Ministri transeuntes per alienas Provincias in recipiendo stricte se habeant, et quos recipiunt secum ducant cum firmo proposito nullatenus remittendi.

Admodum testitudinatae non fiant ecclesiae nisi super altare absque licentia generalis Ministri.

Quaelibet domus in terminis Provinciarum habebit loca sibi viciniora, sive sint de suo episcopatu vel regno, sive non, nisi ex causa speciali Generalis aliter duxerit ordinandum.

Declaratio domini Papae Innocentii quarti maneat suspensa, sicut fuit in Capitulo Metensi determinatum, et inhibemus districte, ne aliquis utatur ea in his, in quibus expositioni domini Gregorii noni contradicit.

Item, nullus confessor possit absolvere de tactibus impudicis, nisi qui licentiam habuerit absolvendi de lapsu carnis: et si qui consuetudinarie fuerint deprehensi, puniantur sicut de lapsu carnis. Idem dicimus de sollicitantibus ex certa scientia ad peccatum.

Capitulum generale punit Capitula provincialia, quae non scripserunt de statu Provinciarum suarum secundum generalem constitutionem positam sub praecepto, poena unius psalterii quemlibet de Capitulo et unius diei in pane et aqua et trium disciplinarum, et sciant, quod amplius, si neglexerint, gravius punientur.

Inhibeant Ministri provinciales Fratribus cingula cum cultellis et bursis et bursas inferius latentes in tunica habitus.

Revocat generalis Minister omnia praecepta et edicta praecedentium generalium Ministrorum, sive lata fuerint in litteris sive in verbis.

Fiat officium duplex maius de beatissima Trinitate in octava Pentecostes. De quatuor Doctoribus, scilicet Augustino, Gregorio, Hieronymo et Ambrosio, fiat officium semiduplex. De sancto Bernardo fiat officium die suo, scilicet 13. Kalendas Septembris.

De sancta Clara fiat officium duplex, sicut Papa mandavit, et nomen eius ponatur in litania. Antiphona de sancta Maria semper dicatur post Completorium nisi triduo ante Pascha. Nomen beati Francisci in confessione ponatur. Cantetur interdum in Vesperis: Caelorum candor in commemoratione beati Francisci. In illa antiphona beati Francisci, quae sic incipit: Hic vir in vanitatibus nutritus indecenter, fiat talis mutatio, divinis charismatibus praeventus est clementer .

Item sollicite servetur constitutio generalis, quae dicit, quod in Iocis Fratrum Fratres carnes non comedant ullo tempore, exceptis debilibus et infirmis, quibus Guardiani providere possint, secundum quod iudicaverint rationabiliter indigere: et illa etiam, quae dicit, quod Fratres in Capitulo generali vel provincialibus nullo modo carnes comedant.

Cingulum habeatur chorda communis et rudis, et nihil portetur appensum ad chordam. Nec cingula habeantur interius cum cultellis et bursis, nec etiam bursae inferius in tunica habitus habeantur laterales.

Caveant Fratres pro posse a sumtuosis cibariis et uno ferculo sint contenti. Et in mensis suis vasis aut cyathis vitreis seu etiam stanneis non utantur.

Cum autem curiositas et superfluitas directe obvient paupertati, ordinamus, quod aedificiorum curiositas in picturis, caelaturis, fenestris et columnis et hujusmodi, in longitudine, latitudine secandum loci consuetudinem arctius evitetur. Campanile etiam ad modum turris de cetero nusquam fiat. Vitrinae quoque historiatae vel picturatae de cetero nusquam fiant, excepto, quod in principali vitrea post maius altare possint habere imagines Crucifixi, beatae Virginis, beati Francisci et beati Antonii tantum.

Item, tabulae sumtuosae seu curiosae super altare vel alibi de cetero nullae fiant. Et si de cetero huiusmodi vitreae vel tabulae sic factae fuerint, per

Visitatores Provinciarum amoveantur etc. Qui autem fuerint transgressores constitutionis ipsius vel pararraphi graviter puniantur, et principales de locis irrevocabiliter expellantur, nisi per Ministrum generalem fuerint restituti. Et ad hoc firmiter teneantur Visitatores, si Ministri fuerint negligentes: qui nihilominus loca illarum Provinciarum, quas visitant, in huiusmodi vitiosa denuntiare debeant generali Capitulo per obedientiam salutarem. Et propter excessus iam factos circa hujusmodi, ne trahantur in consuetudinem, praecipimus Fratribus universis, ut moiras per se vel per alium, per quascumque personas in Ordine vel extra Ordinem ducere vel inducere faciat vel procuret, talia fieri, vel licentiam a praelatis Ordinis de cetero postulari. Et ad observantiam praedictorum Ministri, Custodes, Guardiani et eorum Vicarii ac Visitatores per obedientiam teneantur, transgressores acriter puniendo et attentata in contrarium de cetero destruendo.

Item, thuribula, cruces, ampullae et quaecumque vasa vel imagines de auro vel argento per obedientiam amoveantur et de cetero per eandem obedientiam nullatenus habeantur, nisi in crucibus vel aliis de praedictis essent aliquae reliquiae venerandae, vel nisi esset pyxis vel vasculum aliquod pro Christi corpore , ut moris est, reportando. Et de cetero calices simplices fiant in opere et pondus duarum marcharum et dimidiae non excedant. Nec plures calices .quam altaria habeantur, excepto uno pro Conventu. Et ad haec Custodes et Guardiani per obedientiam teneantur. Nec auro frigialos vel sericosos pannos Fratres habeant absque licentia et dispositione Ministri et Definitorum in Capitulo provinciali, qui provideant, ut excessus in talibus evitetur.

Fratres in locis suis habentes parochiale coemeterium aut baptisterium non morentur, si eos oporteat mortuos sepelire et pueros baptizare. Si autem in locis habentibus proprietatem morari contigerit, nec per se nec per interpositam personam de illa proprietate se aliquatenus intromittant nec ex pacto fructus eiusdem percipiant.

Inhibemus etiam, ut nullus Frater inducat aliquam personam ad ordinandum eleemosynam perpetuam , annuatim vel certis temporibus Fratribus exhibendam. Et si aliqua taliter legata fuerit, nullo modo a Fratribus in iudicio exigatur.

Item, nec pro Fratre aliquo nec pro loco animal aliquod ab Ordine vel ab aliquo nomine Ordinis teneatur, exceptis murilegis et quibusdam avibus pro immunditiis removendis, nisi ex evidenti necessitate cum aliquo loco fuerit dispensandum per Ministrum cum consilio Capituli provincialis.

RUBRICAE BREVIARII .

Dominica prima de Adventu tres versus primi Responsorio dicantur a tribus alternatim incipiendo a parte hebdomadarii, et Gloria Patri ab eisdem dicatur in medio chori simul ad pulpitum.

Item, laudes feriales legendae in festo sanctae Luciae sine capitulo, hymno, versiculo et oratione dicantur.

Nota, quod prima rubrica, si Nativitas Domini venerit die lunae, Sabbato sequenti fiat officium de Nativitate totaliter secundum primam rubricam, quae dicit: In illo die etc Et in Missa dicatur totum officium maioris Missae Nativitatis praeter Epistolam: Apparuit benignitas etc., et Evangelium: Pastores loquebantur. Aliis autem temporibus dicantur omnia de Dominica secundum sequentem rubricam, quae incipit: Si Nativitas Domini etc. Tres Missae dicantur in Nativitate Domini solemniter, et in prima Missa dicatur Kyrie eleison et Gloria de Dominica: in secunda vero Kyrie eleison et Gloria de minoribus duplicibus: in tertia vero de maioribus. Rubricae, quae dicit, quod hymni in Nativitate Domini et per Octavam dicantur cum Gloria Ubi, Domine, qui natus es, addatur: et usque ad Epiphaniam. Idem fiat in Responsoriis brevibus, in Prima scilicet, Christe, Fili etc. Si Epiphania, scilicet Octava eins, cadat in Sabbato, in secundis Vesperis a Capitulo in antea fit de Dominica, nec fiat commemoratio de Apostolis nec de beato Francisco nec de pace. In Coena Domini celebret quicumque vult, sed Sabbato sancto solus bebdomadarius. In ferialibus diebus infra Pascha et Pentecosten secundum Responsorium in Matutino et secundum Alleluia in Missa cantetur a duobus Fratribus. Semper cereus paschalis tollatur post diem Ascensionis et non ante, et accendatur in diebus solemnibus et dominicis ad minus in Missa.

Si Kalendae Septembris veniant in die dominica, Iob et Tobias habent Dominicas debitas, Iudith vero unum diem infra hebdomadam, Esther alium diem. Vel die Lunae veniunt, Iob et Tobias et Iudith singulas habent Dominicas, Esther autem unum diem. Vel die Martis et Mercurii, singulae habent Dominicas singulas. Vel die Iovis, tres primae habent Dominicas debitas, Esther unum diem tantum. Vel si die Veneris vel Sabbati, tres primae historiae habent singulas Dominicas, Esther autem duos dies. Rubrica vero de quioque Dominicis et de historia Esther ponenda in Quatuor Temporibus deleatur omnino.

Si Missa defunctorum solemniter celebretur in die feriati, sicut in tribus officiis in Constitutione positis , vel praesente funere, vel consimilibus: habeant se

Fratres sicut in festo. Similiter se habeant in Missis peculiaribus de sancto Spiritu, de Cruce, de beata Virgine, in quibus dicantur omnia in cantu solemni; non in hujusmodi Missis dicatur Gloria in excelsis etc.