ADDITAMENTUM .

Praecipit generalis Minister de voluntate generalis Capituli, quod Fratres illo privilegio, in quo videtur contineri exemptio, non ntantnr nec allegent in aliqua causa usque ad sequens Capitulum generale. Mandat etiam, quod caveant Fratres ab omni scandalo clericorum, maxime in sepulturis et testamentis: et quod Fratres servent interdictum in terris positum, videlicet non alte celebrando divina, sed iuxta quod iura exigunt, se matrici ecclesiae conformando.

Item, iubet etiam Minister, ut nullum locum capiant Fratres sine eiusdem Ministri licentia speciali, nec locum de novo aedificare incipiant in aliquo fundo, nisi primo constet provinciali Capitulo, quod nullus possit in dicto fundo ius aliquod debite vindicare.

Praecipitur etiam Ministris, quorum Provinciae de receptione pecuniae nomine oblationis hactenus vitiosas exstiterunt, ut, quod hoc non fiat, inhibeant firmiter et districte: similiter, quod amoveantur cippi et altaria quaestuaria; insuper, quod et pueri arceantur ab Ulteriori officio infirmariae et coquinae: et quod constitutionem de clausis cameris non habendis diligenter faciant observari: et quod a studiis Fratrum moveantur clausurae tam ostiorum quam velaminum quorumcumque. Ne aliquatenus permittant , quod mulieres comedant in locis Fratrum. Et ista paragraphus tota ponatur sub praecepto.

Item, Ministri, in quorum Provinciis inquisitio fit per Fratres contra haereticam pravitatem, instituant inquisitores viros discretos et matnros, et eis ex parte domini Ioannis, qui praeest officio, districte injungant, quod paenitentiam vel poenam pecuniariam non imponant: et injungant eisdem, quod de acceptis et expensis reddant debitam rationem coram Discretis aliquibus a Ministro et Definitoribus in provinciali Capitulo ordinatis.

Item, sollicitent confessores, quod non absolvant usurarios vel raptores nec alios ad restitutionem aliquam obligatos , nisi prius restituant, vel sufficienter caveant de restituendo iuxta canonicas sanctiones.

Beddant etiam eos cautos de sigillo confessionis stricte servando, scilicet quod nec directe vel indirecte, verbo vel signo aliquid dicant, de quo possit aliquis de peccato notari.

Item, districte praecipiant Fratribus, quod nullus in secreta collocutione aliquid dicat vel audiat sub sigillo confessionis, quod vergat in infamiam alicuius, vel quod possit inter Fratres dissensionem aliquam generare.

Item, Ministri ordinent, quod Fratres sileant in mensis extra refectorium, et maxime in mensis saecularium, ita quod unus tantum loquatur, nisi forte ex rationabili causa oporteat, eos ad interrogata breviter respondere.

Item, propter vitanda pericula volumus, quod non passim Vicarios Guardiani, cum de domo exeunt, instituant nisi certas personas discretas atque securas, et hoc de suorum Ministrorum consilio vel Custodum.

Item, inhibet generalis Minister Fratribus, ut non dissuadeant Sororibus sanctae Clarae de receptione Regulae, immo contrarium suadeant, et vult, quod Minister habeat eas recommendatas ob reverentiam Dei et venerabilis Patris domini cardinalis.

Iniungitur etiam Ministris ex parte generalis Capituli, quod tam per se quam per Custodes et Guardianos statuta Ordinis strictius solito faciant observari, pro eo quod apud magnas personas Ordo in magnum dignoscitur devenire contemptum.

Responsiones ad consultationes.

Vicarius Ministri potest absolvere ab illis quinque differentiis peccatorum, quae Ministris relinquantur; non autem possunt Fratres ad sacros ordines facere promoveri, nec de loco ad locum Fratres mutare nisi ex causa necessaria , nec ad Ordinem recipere vel eiicere iam receptos; possunt tamen peccantes punire.

Item, Visitatores non possunt absolvere Custodes vel Guardianos ad monasteria ire , nisi habuerint licentiam specialem.

Festum sancti Bernardi fiat immediate post Octavam Assumtionis, nisi Dominica impediret. Et sancta Clara in litaniis in Sabbato sancto ponatur et in alia.