91. Dominica tertia post Pentecosten.

1. Deus pater
et nate
et sancte

2. Nobis spiritus

nunc adesto miseris
et respice.

3. Tu enim unus

Deus verus et summus
et aeternus.

4. Tu es via,
tu es vita
et veritas,

5. Tu es regnum,
tu es salus,
tu es virtus.

6. Audi nostros fletus,
pie Domine,
miserere et salva,
quia non est, qui salvet,

7. Erudi et libera,
corripe et doce nos,
omnipotens, qui creasti,
quia in te speramus.

8. Ecce enim, in peccatis
concipimur omnes
et in delictis nascimur,
vivendo augemus.

O. Tibi peccavimus ;
oramus,
ut exaudias.

10. Tu dixisti: Nolo,
pereat
peccator morte,

11. Sed, ut convertatur
et vivat
in aeternum.

12. Porrige dexteram
tu nobis,
ut surgamus.

13. Honor, virtus

sit semper regi Deo

per omnia saeculorum saecula.