97. In Illatione BMV.
Ad Vesperas.

1. Exsultando mater gaude
Felix nunc ecclesia,
Dies adest digna laude
Per annorum spatia,
Pro serpentis redit fraude
Virgo plena gratia.
2. Ab aeterno ordinata

Templum nunc ingreditur,
Quae prophetis praesignata

In scripturis creditur
Ac mox Deo fecundata
Neque partu laeditur.
3. Veni, dulcis virguncula.
Hostia dignissima,
Verbi divini gerula,

Virgo sacratissimo,

Indigna nostra verbula

Audi, benignissima.

4. Haec, quaesumus, precamina,
Qui coram te adstamus,

Nostra solvat peccamina,
Ut coelum subeamus,

Malorum et examina
Ibidem evadamus.

5. Illo tecum in patria

Perenniter fruamur,
Quem hic in via latria

Orando veneramur,
Ne ad inferni atria

Sinistre perducamur.
6. Genitori genitoque

Laus et jubilatio,
Salus, honor, virtus quoque,

Gratiarum actio,
Procedenti ab utroque

Compar sit laudatio.