106 MELEVITAN A

cusare poterat si impotentia coeundi laborasset? Tali ergo accusatione viri potentiam ad coitum fatebatur.

Si septimae manus testes audiamus evidentior etiam ap- paret veritas pro parte Iosephi. Omnes fere testes, si unam excipiamus Vincentiam Grech, magnis laudibus efferunt pro- bitatem et veracitatem Iosephi. Omnes testes, si praedictam Vincentiam Grech et Philomenam Gordmaina excipiamus, pro certo asserunt copulam inter praedictos sponsos fuisse completam, idque ex verbis praesertim ipsius Annae dedu- cunt et ex modo se gerendi quando vir eam deseruerat.

Ex hisce igitur testibus apparet Annam numquam que- stam fuisse de viri impotentia toto tempore, quo cum ipso vitam duxit, imo eius potentiam evidenter manifestasse tum ex pluries repetita declaratione se ventrem gestare, sangui- nem copulae tempore effudisse, atque ex maximo desiderio quod semper habuit vitam cum suo viro ducere; uno verbo ita semper se egisse ac locutam fuisse, ut claro ostenderet, virum suum non solum potentia potiri coeundi, verum etiam eum matrimonium cum ipsa consummasse-.

Ex hactenus igitur disputatis constat, Iosephum et An- nam libere inter se matrimonium contraxisse, per novem menses simul cohabitasse et condormisse ; post ultra duos annos a separatione Annam postulasse apud iudicem virum suum de impotentia et matrimonii inconsummatione, eiusque ignorantiam quoad matrimonii consummationem quam ipsa attulit ad se purgandum a tam longo silentio nullimode ad- mitti posse. Constat pariter se tum ante, tum post separa- tionem pluries pluribusque testibus dixisse se ventrem ge- stare , sanguinem f udisse in congressu cum suo viro ; per longum tempus et repetitis precibus virum ipsum rogasse ut ad se rediret, et ad hoc consilia et suasiones parentum amicorumque adhibuisse, quod certe non fecisset si virum impotentia laborantem fuisset experta. Constat demum ex fere omnium testium sententia matrimonium inter Iosephum et Annam vere fuisse consummatum.

Ast quid de peritorum sententia ? Ex eorum testimoniis