112 M E L È V I T A N A

cero ad adulterium fuisse incitatam, eamque fuisse causam cur domum illam dereliquerit; porro quis cogitet loquen- tem de adulterio ne cognoscere quidem in quo stet con- summatio matrimonii? Addas quod mense uno a separatione loquens Anna cum Carmela Stivala iam videtur cognovisse quid esset copula, cum ea enim sermonem de actibus con- iugalibus instituit et se gravidam dixit. Illud insuper quod in hoc omnem tollit ambiguitatem est depositio Iosephi ma- tris iam supra relata.

His adde ipsum motivum, quo Anna inducta est ad causam hanc intentandam : idest spem nuptias ineundi cum suo consobrino Carmelo Briffa. Nonne desiderium novarum nuptiarum Annam forte impulit ad mentiendum? Quod magis probabile apparet ex contraria confessione viri. Vir enim nullum facit lucrum ex eo quod matrimonium suum cum Anna habeatur tamquam consummatum, neque enim secus aliquid timere posset, ne ipsum quidem dedecus impotentiae; nam quinque periti medici, qui eum recognoverunt, nimis aperte hanc iniuriosam notam ab eo propulsant. Imo con- tra se testatur Ioseph, ex hoc enim inhibitum ei manet no- vum coniugium. Praeterea Ioseph vir est pius, qui Sacra- menta pluries in anno frequentat, Anna vero inhonestam vitam traducit.

ANIMADVERSIONES DEFENSORIS MATRIMONII EX OFFICIO. Ma-

trimoniale vinculum, quod anno 1883 mensis octobr, die 22 contraxit Anna 39 iam tum annos nata, cum Io- sepho . . . in aetate annorum 34 constituto, imperfectum proclamat.

Cum adversam actionem plene profligent lectissimi con- sultores, theologus et canonista, piacili um existimo, Patres Amplissimi, multis Vos morari. Hoc unum advertam, nempe Melevitanum Antistitem im merito commoveri auctoritate me- dici Bonnici, iurantis, praevia Annae recognitione, eiusdem virginitatem ; etenim medicus Bonnici corpus Annae explo- ravit, non praemisso balneo, non adhibitis circumspectioni- bus ad detegendas fraudes, quibus virginitas simulari potest.