BALTH. CORDERII, S. J. INTERPRETATIO,

Liquet igitur, naturas istas esse proximas Divinitati, quae multipliciter illam participarent.

Quapropter sanctae caelestium essentiarum dispositiones, rebus iis quae solummodo exsistunt, et sine usu rationis vivunt, humanave utuntur ratione, divini principatus munere ac participatione antecellunt. Cum enim se ad imitandum Deum intellectualiter componant, atque Dei principalem similitudinem supermundialitcr contemplantes, ad eamdem speciem suam cupiant efformare ; jure merito uberiore gaudent ejus participatione, quod sint assiduae, ac semper ad anteriora, quantum fas est, divini numquam fatiscentis amoris contentione extendantur, et primordiales illustrationes immaterialiter liquidoque suscipiant, atque ad eas componantur, vitamque omnem habeant spiritualem.