105. In Assumptione Beatae M. V.

1. Ave, Dei genetrix summi,

2. Virgo semper Maria,
stella maris praelucida,

3. Christianorum decus,
mundi salus et domina.

4. Es nam beata,
meruisti
quaeparere regem ditissimum,

5. Cuius nunc regnum
dominando
tu possides ut mater filii.

6. Quapropter te rogitamus,
ut pro nostris sceleribus

7. Tuum interpelles natum,
qui negare nil tibi vult.

8. Fac, ut per ipsius
benignitatem
et tua merita

9. Omnium det nobis
in ista vita
scelerum veniam,

10. Ut te intercedente
Christoque donante

11. Actus malos et pravos
vitare possimus

12. Et praesentem vitam
in laude Dei.

13. Valeamus ultra
semper ducere

14. Postque huius finem
vitam beatam

15. Gaudentes mereamur
tunc possidere.

16. Tu nos, sancta theotocos,
gloriosae trinitati commenda,

17. Cui est in una dei-
tate honor, potestas et maiestas,

18. Gloria et laus omnia
per saecula.