114 EX S. C. RITUUM

atque actuosam egisse fertur. Politiore educatione penes Mo- niales Benedictinas Valloniis degentes exculta, in suo oppido natali adolescentula octodecim annorum scholam aperuit ad puerorum puellarumque pauperum religiosam institutionem. Turbolentissimis illis temporibus, Galliae atque universae Eu- ropae infensis, Iulia Postel, Christi amore incensa, pastores et fideles frequenter adibat, opem ac solatium cunctis afferens; et concreditam sibi sacram supellectilem, ipsamque Sanctissimam Eucharistiam in pixide inclusam sancte custodiebat. Anno 1802 Caesaroburgi scholam instituit trecentis puellis florentem et anno insequente Catharinam Bellot ac deinceps Aloisiam Viel de Quettehou sibi sociavit. Hic funiculus triplex novi Instituti ibidem ordinaria Auctoritate Revmo Cabart delegata erecti, et dein ab ipso Episcopo Constantiensi Rousseau in templo Augu- stissimae Trinitatis confirmati, per parabolam evangelicam de grano sinapis tribus illis virginibus accommodatam collaudatus fuit. Memoranda est dies octava Septembris qua, anno 1807, Iulia Postel in Congregatione sororum scholarum christianarum a se fundata, se totam Deo sacravit, sumpto nomine Maria Magda- lena. Caesaroburgo discedens anno 1811 in pagum Oetemlle-la- Venelle venit et post sex menses oppidum Tamerville ingressa,

ibi sedem suae Congregationis primitus elegit. Ut libere edo- ceret, humilis virgo iam aetatis suae 62 annos agens, publicae instructioni praepositis se obtulit examinandam, et diplomate decorata magisterium iure publico exercere perrexit. Verum anno 1832, empta Abbatia S. Salvatoris le Viconte, Maria Mag- dalena in eam migravit, servato sororum praesidio in oppido Tamerville, et Abbatiae templum omni ex parte restituendum statuit.

Domo principe suae Congregationis cum scholis fundata, consilio et opera cum R. D. Delamare ipsius Congregationis su- periore egit, ut Institutum a fratribus misericordiae nuncupa,- tum oriretur ad pueros atque adolescentes praesertim pauperes erudiendos. Crescente autem sororum ac pos tu lan tem numero, optima mater , dimissis regulis iampridem ab ipsa conscriptis et observatis, alias quas B. Ioannes Baptista de la Salle suis sodalibus dederat, vertente anno 1838 ab ecclesiastica auctori- tate humiliter ac libenter accepit, novis nuncupatis votis, atque immutabili veste servata. Interim eo ipso anno Regiis Litteris Congregatio sororum cum domo principe Abbatiae Ss. Salva-