EX S. C. RITUUM 115

toris iuridice recognita fuit; et deinceps anno 1842 a Gregorio Papa XVI fel. rec. iisdem indulgentiis ac privilegiis ditata, quae Congregationi fratrum a Scholis Christianis indulta fuerant. Ve- rum Dei Famula ob devexam aetatem et corporis debilitatem a laboribus requiescere cupiens simulque dissolvi et cum Chri- sto coniungi, proximum suum obitum pluries praenunciavit, qui obtigit placidissime die 16 Iulii in festo B. M. V. de Monte Carmelo, anno 1846, postquam sancto Viatico refecta, sacroque oleo linita, adstantibus sororibus sui Instituti maternam bene- dictionem dederat.

Eius sanctimoniae fama, quam dum vitam duceret, adepta fuerat, post obitum a civibus et ab extraneis ad funus et se- pulcrum confluentibus confirmata, in dies magis clara et diffusa perdurat. Hinc super eadem fama rite confecto in ecclesiastica Curia Constantiensi et Abrincensi Processu Ordinario, eoque in Actis S. Bituum Congregationis exhibito et aperto, praevio Apo- stolico Indulto super dubio Introductionis Causae proponendo in Congregatione Ordinaria ante lapsum decennii et absque in- terventu et voto Consultorum, rogante illustri Domino Aloisio Rossi de Gasperis, Equité Torquato, huius Causae Postulatore una cum Instituto sororum scholarum christianarum a Miseri- cordia, attentisque praesertim litteris postulatoriis aliquorum Emorum ac Revmorum S. R. E. Cardinalium, plurium Rmorum Sacrorum Antistitum, aliorumque virorum sive ecclesiastica, sive civili dignitate praestantium, Emus et Rmus Dominus Cardinalis Caietanus AIoisi-Mosella, eiusdem Causae relator, in Ordinariis Sacrae Rituum Congregationis comitiis, subsignata die, ad Va- ticanum habitis sequens dubium discutiendum proposuit: «An sit signanda Commissio Introductionis Causae in casu et ad effectum de quo agitur? » Et Sacra eadem Congregatio, post relationem ipsius Emi Ponentis, omnibus maturo examine per- pensis, auditoque R. P. D. Ioanne Baptista Lugari, Sanctae Fidei Promotore, rescribendum censuit: «Affirmative, seu signan- dam esse Commissionem, si Sanctissimo placuerit ». Die 27 Iulii 1897.

Facta postmodum de his Sanctissimo Domino Nostro Leoni Papae XIII per infrascriptum Cardinalem Sacrae Rituum Con- gregationi Praefectum relatione, Sanctitas Sua sententiam Sa- crae eiusdem Congregationis probavit et propria manu signare dignata est Commissionem Introductionis Causae praedictae