EX S. C. RITUUM 117

bus sororibus, praefuit. Trecensi monasterio anno 1844 resti- tuta, ibi usque ad vitae exitum, quasi lucerna lucens et ardens in domo Dei refulsit. Ampliata religiosa domo, ephebeum quod confluentes ex omni Gallia puellas nobilitate, moribus ac inge- nio illustres excipiebat, reformavit atque auxit, et extra mona- sterii septa puellis egenis instituendis scholam aperuit. Ad an- cillam Dei conveniebant viri ac mulieres in asperis atque arduis consilia, opem, solatium exquirentes. Plures a Gallicanismi te- meritate, a Magnetismi superstitione, a Iansenismi reliquiis re- traxit. Sacras disciplinas quas ipsa a puris fontibus delibaverat, cum sui animi gaudio bene fundatas vidit in Trecensi maiori Seminario, una cum instaurata a lumnorum frequentia ad sa- cram Synaxim et sanctae Ecclesiae Romanae liturgia. Piis ac religiosis utriusque sexus consociationibus etiam adlaboravit, praesertim oblatorum a S. Francisco Salesio, quorum institu- tionem iampridem praenuntia verat a se perficiendam antequam e vita migrasset. Quibus omnibus confectis, ancilla Dei tempus resolutionis suae instare persensit; et reapse labente anno 1875, aetatis suae octogesimo tertio, lethali morbo correpta et extre- mis Ecclesiae sacramentis communita, adstantibus et collacry- mantibus sororibus, ineunte die 7 Octobris piissime obiit. Fama sanctitatis quam in vita soror Maria Francisca Salesia acqui- sierat, post obitum ita longe lateque diffusa est, ut super ea processualibus tabulis a Revmis Ordinariis Friburgensi, Basi- leensi, Trecensi et Parisiensi rite adornatis et S. Rituum Con- gregationi exhibitis legitimeque apertis, enixe postulatus fuerit ad ulteriora processus.

Itaque ad enixas iteratasque preces Rmi Domini Nazareni Marzolini huiusce Causae Postulatoris, etiam nomine Sanctimo- nialium Ordinis Visitationis porrectas, attentis praesertim litteris postulatoriis plurium Emorum et Rmorum S. R. E. Cardinalium ac multorum Rmorum Sacrorum Antistitum, nec non virorum sive ecclesiastica sive civili dignitate illustrium, praevia Apo- stolica Dispensatione ab interventu et voto Consultorum super dubio Introductionis Causae in Congregatione Ordinaria propo- nendo, Emus et Revmus Dominus Lucidus Maria Parocchi, Episcopus Portuensis et S. Rufinae, eiusdem Causae Relator, in Ordinario S. R. C. Conventu, subsignata die ad Vaticanum ha- bito, sequens dubium discutiendum proposuit, nimirum: « An sit signanda Commissio Introductionis Causae, in casu et ad