BALTH. CORDERII , S. J. INTERPRETATIO.

Hae igitur sunt, quae primario et multipliciter Deum participant, et imprimis ac multis modis arcanum Dei manifestant ; quamobrem prae caeteris omnibus per excellentiam angelicum cognomen meruerunt, quia ipsae primum a Deo illuminantur, et per ipsas nobis nostrae revelationes transmittuntur. Sic igitur lex, ut divinus Sermo testatur, per angelos nobis data est: et illos celebres ante legem, et post legem patres nostros, angeli ad Deum adducebant, aut quod agendum erat exponentes, et ab errore et vita profana ad rectam viam veritatis traducentes ; aut manifestantes sacros ordines, aut mysteriorum, quae supra mundum sunt, abditas visiones, aut divinas quasdam praedictiones, tamquam nuntii et ministri explanantes.

EX POSITIO TEXTUS.

A. Ipsae ergo sunt, etc.

Hic concludit ulterius, quod cum prius recipiant, nobis manifestant, dicens: Ergo ex dictis ipsae caelestes essentiae sum factae primo et multipliciter, ut dictum est, in participatione Dei, et per hoc etiam sunt primo et multipliciter manifestatrices divinae occultationis, id est, divini occulti, et propterea sunt factae dignae a Scriptura selectim, id est, divisim vel singulariter cognominatione angelica ultra omnia alia : eo quod edunt, id est, recipiunt quodam conatu divinam illuminationem in seipsas ut manifestantes, et per se deferunt in nos manifestationes quae supra nos sunt, et quantum ad manifestata, et quantum ad modum accipiendi. Angelus enim nuntius dicitur propter officium nuntiandi nobis.

Sic quidem ut Theologia ait, etc. Ostenso quae sit angelica hierarchia per ejus eminentiam, ostendit per Scripturam, quod per ipsam in nos deveniunt divinae illuminationes : quod etiam supra supposuit.

Et dividitur haec pars in tres partes. In prima ostendit, quod per Angelos ad nos deveniunt illuminationes divinae. In secunda objicit in contrarium,ibi (sig. 5), Si autem quis dixerit.

In prima duo facit. In prima dicit pro- positum suum in . generali. In secunda distinguit per quae specialiter per Angelos illuminamur, ibi, Et gloriosos quoque, etc.

Littera sic legatur : Sia quidem, ut dictum est, manifestationes quae sunt supra nos, donatae sunt nobis a Deo ut a primo fonte, per Angelos, id est, ministerio eorum, ut, id est, sicut Theologia, id est, sacra Scriptura quae est de Deo, ait, id est, dicit: et in quibus locis, postea dicet.