EXPOSITIO TEXTUS.

B. Et gloriosos, etc,

Hic specificat quod ad manifestanda mittatur Angelus, et ponit quinque dicens. Et quoque, id est, etiam Angeli reducebant ad divinum, scilicet lumen gloriosos patres nostros ante legem, ut Abraham, et Loth, et post legem, ut David et alios Prophetas. Reducebant dico introducentes, id est, ostendentes illud quod erat agendum, sicut dictum est Abrahae, quod exiret de terra sua (Genes. xii, 5), et Loth, quod exiret de Sodomis (Gen 17) : et reducebant ad rectam viam veritatis ex errore, quantum ad intellectum, et vita immunda, quantum ad affectum, sicut in datione legis (Exodi, XIX), et de Cornelio converso ad fidem (Actuum, x). Aut reducebant dico revelantes sacros ordines mysteriorum, id est, occultorum supermundalium, id est, super mundum nostrum existentium, scilicet ordines Angelorum, ut Ezechiel, I, et Isaiae, VI, 2 : Seraphim stabant: aut et reducebant revelantes visiones occultas, et quia sunt de occultis quae non licet homini loqui, et quia occulte accipiuntur, ut per raptum (II ad Cor. xii, 4). Aut etiam revelantes prophetice quasdam antepraedicationes, id est, antepraedictiones divinas, id est, de di- vinis, ut Isaiae, VII, 14 : Ecce virgo concipiet, etc. Et potest accipi numeros istorum hoc modo : quia aut revelatio fit de operandis, aut de credendis. Si de

operandis, aut extra, et sic introducunt quid agendum est: aut intra, et sic reducunt ex immunda vita. Si est de credendis, aut secundum viam, et sic sunt propheticae praedicationes: aut secun- dum patriam, et sic vel dispositiones beatorum, ut ordines sacri : aut beatitudo ipsa, et sic sunt visiones occultae. Vel aliter, vel est illuminatio de agendis, vel

de appetendis, vel de credendis. Si de agendis, vel intus, vel extra, ut supra. Si de appetendis, aut pertinent ad beatitudinem, aut ad dispositionem beatorum, ut supra. Si de credendis, sic est ultima.

5