120

DUBIUM an moniales excipere valeant haereditates favore propriae communitatis.

Beatissime Pater,

Episcopus Zamorensis, in Hispania, ad pedes S.V. provo- lutus, humillime exponit: N. N. Sanctimonialem Ordinis Prae- monstratensis in conventu civitatis N., huius dioecesis, ex Con- stitutionibus civilibus hispanicis ius habere ad haereditatem capiendam, quae eidem contigit ex morte fratris presbyteri, recens defuncti. Hinc quaeritur:

1. An praefata Sanctimonialis, posita solemni religiosa pro- fessione, quam iamdiu emisit, licite in conscientia possit gestio- nes agere, sive per se sive per procuratorem, ut haereditatem capiat proprio nomine coram saeculari iudice, in bonum tamen totius Communitatis, ut par est; vel potius egeat, ratione voti paupertatis, legitima dispensatione ad praedictas gestiones iuri- dicas agendas ad haereditatem acquirendam ?

2. Dato quod dispensatione egeat: an haec eidem tribui pos- sit a conventus Superiorissa, aut ab Episcopo, cui conventus subest : vel necessario, ratione solemnis voti, a Sede Apostolica obtineri debeat? - Demum, posita necessitate recurrendi ad Apostolicam Sedem pro praedicta dispensatione, Episcopus orator suppliciter postulat:

3. Ut praefatae Sanctimoniali facultas tribuatur ad iuridicas gestiones per procuratorem instituendas ac perficiendas pro haereditate sibi ac proprio nomine capienda, quae in bonum cedat totius Communitatis.

4. Ut eidem Episcopo oratori sufficiens facultas elargiatur, ut dispensare possit super vota paupertatis in casibus similibus ad id, ut providere valeat pro urgentia quae regulariter in iis- dem occurrit. - Et Deus...

Sacra Congregatio Emorum ac Rmorum S. R. E. Cardinalium negotiis et consultationibus Episcoporum et Regularium prae- posita, super praemissis censuit respondendum prout respondet:

Ad l m e t 2 m providebitur in tertio.

EX S. CONGR EPISC. ET REGUL.