DIVISIO ET EXPOSITIO TEXTUS.

Ipsa igitur sapientissima, etc.

Hic manifestat quod dixerat, scilicet quid sit theophania, dicens : Igitur ex quo theophaniae factae sunt patribus per manifestationes proportionales videntibus, ipsa sapientissima Theologia, id est, sacra Scriptura a divina sapientia tradita, revelavit, id est, aperte ostendit visionem illam divinam, id. est, divinorum pulchre, id est, congrue et decenter vocari theophaniam, quae scilicet visio est scripta, id est, scripto tradita, in ipsa, scilicet Theologia. Visionem dico quasi similitudinem, id est assimilationem ad divina visa ex reductione videntium in divinum lumen : et hoc in forma, id est, figura informium, id est, carentium formis. Theophaniam dico vocari quasi facta divina illuminatione videntibus dicta visione : et in hoc reddit rationem nominis : et quidem hoc fit divinis ipsis, scilicet visis sancte perficientibus videntes, sanctitatem eis praebendo. Sic igitur tetigit modum visionis, quia per figuras, et finem, qui est reductio in divinum, et effectum,

vocat ; utpote quae divinam illuminationem videntibus immittat, et aliquid de divinis eos sacre doceat. His divinis visis praeclari illi patres nostri ministerio Angelorum initiabantur.

qui est sancta perfectio, et virtutem effici entem, quia divina illuminatio, ut dictum est : in quo etiam tangitur nominis ratio.

Has autem divinas, etc. Hic repetit propositum quasi manifestum soluta dubitatione, dicens : Autem, id est, sed gloriosi patres nostri, id est, sancti perfecerunt has divinas visiones, id est, perfecti sunt per eas, scilicet per caelestes virtutes medias, id est, Angelos, quorum ministerio perfecti fuerunt virtute divini luminis.