DUBIUM,

Hic est dubitatio, quid sit theophania :

in quo et videbitur, utrum Deus in patria in theophaniis videatur.

1. Et videtur, quod sit apparitio sensibilis : figurae enim informium per quas dicit eam fieri, formae visibiles sunt : ergo theophania est sensibilis visio.

2. Praeterea, Cassiodorus dicit : " Apoc paret illud quod subito sensibus praesto c( est : " hujusmodi autem formae quas dicit, subito sensibus praesto fiunt : ergo theophania est corporalis apparitio.

Ad oppositum :

1. Hujusmodi corporales visiones non omnibus sanctis factae sunt, quibus tamen factae sunt theophaniae : ergo theophania non est corporalis visio.

2. Praeterea, Hujusmodi apparitiones multis sunt factae, quibus non est facta divina illuminatio, ut Balthasar et Pharaoni. Cum igitur dicatur theophania fieri divina illuminatione, non erit visio corporalis.

Solutio. Dicimus, quod theophania quatuor modis dicitur.

Primo modo visio quae est per corporales formas similitudine dissimili ducentes in Deum, in qua non necessarium est lumen divinum esse, sed tantum est ductio inDeum.

Secundo modo dicitur, quando lumine divino quod non est Deus, videtur aliquid. quod non est Deus, sicut Jeremias vidit ollam succensam lumine divino , ''per hoc intelligens destructionem Jerusalem.

Tertio modo ut est in usu loquentium, quando in lumine divino quod non est Deus, videtur objectum quod vere est Deus, non in lumine sicut in medio, sicut videtur res in sua imagine, sed sub

lumine confortante intellectum videtur immediate Deus.

Quarto modo, quando in lumine quod est Deus, videtur objectum quod est Dcus, sicut dicit Hugo de sancto Victore, sic Deus ipse est in quolibet beato ut lumen quoddam, participatione sui faciens eum sui similitudinem, et in tali similitudine Dei visio dicitur theophania : sic enim idem Deus erit lumen et objectum, sed objectum prout est in se, lumen vero prout est participatus a beatis.

Primis ergo duobus modis non videbitur Deus in patria, et de istis tenet objectio magistri Hugonis : dicit enim, " Quid est " in theophaniis videri, et praeter illas " non videri, nisi numquam vere vi"deri, et verum numquam videri ? " Sed aliis duobus modis erit in patria visio per theophanias, licet Hugo non ponat ibi nisi quartum : quia non attendit tertium, et ideo reprehendit alios aliter ponentes, qui tamen vera dicunt, intelligentes secundum tertium modum. Et per hoc patet solutio ad objecta. Haec enim accipiuntur secundum duos primos modos.

7