116. De Omnibus Sanctis.

1. Eia, turba sancta
Deoque dicata,

2. Vos, veri luminis
[maiestatem]
et gloriam decantantes Domini,

3. Collegium Cherubim
et Seraphim,
nunc omnes audite laudes istas

4. Exspectantum gloriam
et coronam, quam nobis
praeparat rex aeternus.

5. Vos estis lumen
veri summi tonantis,
angelici nuntii.

6. Rogate Dominum,

ut peccata relaxet, crimina

indulgeat

et noxia cuncta dimittat,

7. Vos, qui [semper] statis
ante aeternum iudicem, ut pro
vobis donet
nobis Dominus auxilium.

8. Sit laus illi,
cuius tanta turba
referunt laudes.

9. Ipse nobis

'' Dominus donat patronos,
''cui nos summa
''cum dulcedine pectoris
''rependimus omnes.

10. Cuius pater ingenitus,

11. Filius unigenitus,

12. Spiritus sanctus

coaeternus cum ipsis
regnat in saecula.

13. Summe opifex,

aeterne, alte, praepotens,
aetherius ordo,

14. Tibi canimus,

qui es laus [sanctorum],
et tibi dicimus Amen.