128

Litterae Emi Cardinalis M. Rampolla ad Archiepiscopum Vrhbohnen super dismembratione paroeciae.

Illme et Revme Domine

Quum ad Apostolicam Sedem appellatum sit ob dismem- brationem paroeciae, ab Amplitudine Vestra peractam in propria Archidioecesi, opportunum mihi visum est eandem Amplitudi- nem Vestram certiorem reddere de responso dato ab Aposto- lica Sede, sub die 5 Septembris 1893, ad Administratorem apo- stolicum de Banialuka. Agebatur in eo de nonnullis resolutio- nibus S. Congregationis Negotiorum Extraordinariorum super dismembratione paroeciarum. Dubium sequentis tenoris e ra t : utrum, data necessitate dismembrandi nonnullas paroecias, pleno iure creditas Missionariis religiosis, novae paroeciae filiales ha- bendae sint ceu affectae eodem iure favore Religiosorum eo- rumdem, quatenus ipsi, cum populo respectivo, onera cuncta suscipiant: cui dubio respondebatur:

1. Dismembrationem paroeciarum, canonice erectarum, per- agendam esse ad normam iuris.

2. Religiosos ius non habere ad novam paroeciam, neque illam Episcopum eisdem concedere posse.

3. Quatenus Episcopus eidem paroeciae consulere nequeat, recurrendum ei esse ad Apostolicam Sedem pro opportunis fa- cultatibus, ut Religiosis provisorie eam concedere valeat, ea- dem permanente saeculare et liberae collationis.

Haec Amplitudini Vestrae communico ex dispositione SSmi Patris diei 16 Novembris 1896; animadvertens etiam quod dis- membrationes fieri nequeant nisi citatis part ibus, interesse ha- bentibus.

M. CARD. RAMPOLLA

EX S. C. NEGOTIORUM EXTRAORDINARIORUM