ANTIQUA TRANSLATIO.

Aut non et sacram legislationem eloquiorum traditio velut per se quidem dicit ex Deo Moysi donatam , ut etiam vere nos doceat divinos eam esse et sacros characteres ? Docet autem sapienter et hoc Theologia per Angelos eam in nos provenire, tamquam divino legali ordine ill udlegaliter ponente, hoc est, per prima secunda in divinum reduci. Etenim non solum et in superpositis et in subjectis animis, sed et in aeque potentibus ipsa lex diffinitur ex. superessentiali omnium ordinationis principio, hoc est, per unamquamque hierarchiam primas et medias et ultimas esse et ordinationes et virtutes, et minorum esse diviniores doctores et manuductores, in divinam adductionem et illuminationem et communicationem.