132, In unius Martyris.

1. Dies solemnis agitur,
In qua hic martyr colitur,
Qui sustinens poenalia
Scandit ad aeternalia.

2. Quam felix es, qui vincere
Poenas tortorum quiveras,
Ut Christum lucrifaceres
Et in aeternum plauderes.

3. Jam nunc in coelo jubilas
Et signis novis rutilas,
Qui cunctis infirmantibus
Confers medelae gratiam.

4. Idcirco nullus hodie
Diffidat te accedere,
Cum plenus sis dulcedine
Et pietatis opere.

5. Christi athleta inclite,
Te venerantes respice,
Ut tua per suffragia
Nostra solvantur crimina.

6. Laus tibi, sancta trinitas,
Quae martyrem glorificas,
Nobis praestans subsidia
Per ejus digna merita.