134 EX S. G. CONCILII

distinctionem traditam per Gonzal. in cap. 12 de Simon., num. 8 ».

Eiusmodi possessio aut quasi possessio admissa etiam fuit ab ipso tribunali civili.

Possessionem vero sibi solemniter recognovisse et tueri intendisse, aiunt actrices, Card. Battaglini per suum decre- tum diei 1 Iunii 1891, cuiuscumque mutationis inhibitorium.

Hinc sororum Frencia ius, ut restituatur tabula B. Vir- ginis in Altari, fulcitur tribus rationibus a natura proma- nantibus. Quas rationes actrices deducunt primo, ex voto quod aiunt se nuncupasse de exhibenda huiusmodi s. Ima- gine publico cultui, auctore quodam pio defuncto; secundo ex contractu inito cum Parocho Bacchi ei tradendo s. Ima- ginem in perpetuum publicae venerationi expositam; tertio ex re, seu ex subiecta materia.

Ast certum est tabulam eiusmodi benedictam fuisse eius- que destinationem confirmatam a R. Pontifice, tresque per annos expositam fuisse publicae venerationi ; et ideo rem benedictam effectam fuisse. Quae egressa ex dominio privato et commercio, amplius inibi redire non posset, ex regula « semel Deo dicatum, non est ad usus humanos ulterius transferendum » Reg. 51 in 6. Reiffenstuel : « Res quae per consecrationem vel per benedictionem sacratae vel sa- crae factae sunt veluti Ecclesiae, altaria, coemeteria mon- strantiae, calices, patenae, paramenta ecclesiastica et reliqua sacra suppellex: item monasteria, hospitalia aliaque loca pia, auctoritate populi vel Episcopali ad usum divinum, seu sacrum ministerium ad laicorum profanos usus transferenda vel adhibenda amplius non sunt, et ratio est quia reverentia praefatis sacris, seu sacratis rebus debita merito exigit ne contra primum et principalem finem ad profanos saecula- rium usus amplius applicentur, cum qui contra debitam re- verentiam facit, sacrilegium committit > quod concordat textui canonico: « Qui revocandum putat, quod ecclesiae contulit, sacrilegium crimen incurrit ». Dec. caus. 17, q. 4> cap. 2.