136. De uno Confessore.

1, Confessor aeterni patris,
Invicte miles filii,
Athleta fortis spiritus,
Nobis fave poscentibus,

2. Christi crucem tu bajulas
Christoque confixus cruci,
Jucunda spernens saeculi
Gaudes modo in regno Dei.

3. Tu nempe felix gaudia
Ovans conscendis ardua,
Coeligenarum epulis
Fruiturus perennibus.

4. Nunc ergo nobis, quaesumus,
Praesens adesto cominus
Omne impetrando commodum
Et post perenne gaudium.

5. Tui precatus munere
Nostros reatus dilue,
Arcens mali contagium,
Vitae removens taedium.

6. Soluta sunt jam vincula
Tui sacrati corporis,
Nos solve vinclis saeculi
Amore filii Dei.

7. Hujus, o Christe, meritis
Nostris adesto precibus,
Quo tibi laudum debita^
Deferamus obsequia.

8. Tibi patrique gloria
Cum sancto sit spiramine
In summa coeli curia
Nunc et per cuncta saecula.