136 MUNKACSEN.

treni aut ad arnicas, vel etiam in silvis et in antris sese abscondens.

Infelix Ioannes dicitur frustra preces, minas ipsasque verberationes adhibuisse ad uxoris pervicacem voluntatem flectendam, siquidem ipsa die Epiphaniae Domini a. 1883, domum maritalem definitive deseruit et per vias, nive re- pletas, nudis pedibus domum matris petiit, nunquam iam in domum mariti reversura.

Vir pluries progressu temporis reconciliationem cum Maria tentavit, ast semper incassum; ipsa enim Munkácsi- num petiit, ibique alieno servitio se mancipans, inhonestam ducere cepit vitam atque duos illegitime genuit filios.

Tum Ioannes, ut scandala uxoris finem haberent, simul- que suo honori consuleret, apud Curiam Episcopalem Mun- kácsensem anno 1891 institit , ut processus de inconsum- matione sui matrimonii institueretur.

Curia Episcopalis pacificam reconciliationem coniugum imprimis experta est, at cum nihil obtinuerit ex delegatione SSmi, mense Februario 1892 causae manus apposuit. Ordi- narias transmittendo Sacrae C. C. acta et documenta pro- cessus instantiam actoris vehementissime commendavit, si- mulque peroptans, ut causa quantocius absolveretur, quia ille novum inhians matrimonium timendum est quod a fide catholica deficiat.

Disceptatio Synoptica

VOTUM THEOLOGI. E X facti specie, ait Consultor, patere existimo in casu agi de matrimonio rato, et non consum- mato , ob uxoris Mariae pervicaciam ad debitum coniugale reddendum ; ideoque duo tantum mihi inquirenda sunt, sci- licet :

I o . An revera matrimonium inter recensitos coniuges non sit consummatum.

2°. Utrum legitimae adsint causae pro matrimonii so- lutione, ac dispensationis gratia a Summo Pontifice obti- nenda.