EXPOSITIO TEXTUS.

B. Sic igitur, etc.

Hic incipit ponere exempla, et primum de annuntiatione Zachariae facta de filio nascituro.

Littera sic legatur : Diximus, quod Angeli sunt edocti de mysterio Incarnationis, et per eos nos : sic igitur Gabriel divinissimus, id est, in divinis perfectissimus, edocuit quidem, id est, certe Zachariam summum sacerdotem mysteria, id est, secreta (Luc. I, 11 et 21), hoc est, id est, ista mysteria, scilicet puerum fore nasciturum ex ipso, scilicet Zacharia, gratia divina, idest, virtute Dei, contra spem, scilicet natura, quia ex utero senis et sterilis. Puerum dico Prophetom operationis Jesu virilis divinae. Una dictio composita : unde et vitiosa est trans-

latio : et in Graeco habetur AdminBookmark et dicitur ob hoc, quod operatio Christi simul ostendit virtutem divinam et humanam : quod enim mundavit leprosum, naturae divinae fuit : quod vero tetigit, naturae humanae. Operationis dico manifestandae mundo divinitus, id est, a Deo, et salutariter, liberando a periculis.

Mariam quoque. Hic ponit secundum exemplum de Annuntiatione beatae Virginis, dicens : Quoque, id est, et Gabriel edocuit Mariam quomodo foret futuram in ipsa divinum myterium, id est, occultum divinae formationis, qua scilicet Deus formam hominis sibi assumpsit. Formationis dico ineffabilis : quia supra rationem nostram (Luc I, 26-39).

Ast alius. Hic ponit tertium exemplum de Joseph, dicens : Ast, id est, sed alius de numero Angelorum erudiebat, id est, docebat Joseph, quomodo promissa David pro genitori suo, scilicet de fructu ventris tui, etc. vere complerentur divinitus, id est, a Deo (Math.I, 20-24).

Alius vero. Hic ponit quartum exemplum de pastoribus, dicens : Vero, id est, sed alius A.ngelus evangelizavit, id est, evangelizando docuit pastores tamquam purgatos reditu multorum , id est, ex multis, et silentio, id est, praeparatos propter hoc quod erant secreti a societate hominum et tumultu. Et in hoc tangitur eorum idoneitas : et multitudo caelestis exercitus, id est, angelici, tradebant his qui in terra sunt, id est, hominibus, cum eo, scilicet Angelo, illam doxologiam, id est, sermonem de gloria : AdminBookmark enim gloria

dicitur, id est, " Gloria in excelsis Deo. " Doxologiam dico valde laudabilem (Luc. II , 9). Respiciamque, Hic ponit quintum exemplum de itinere Christi in aegyptum et reditu ejus, dicens : Que, id est, et respiciam ad apparitiones luminis scilicet divini eloquiorum, id est, in sa-

cra Scriptura traditas, excellentissimas ' quia circa ipsum Christum factas. Video enim in Scripturis quod et, id est, etiam ipse Jesus essentia causaliter, ut supra expositum est, superessentialis, id est, super omnem essentiam, et ita non essentialiter essentia supercaelestium essentiarum, id est, Angelorum. Ipse dico veniens ad id quod est secundum nos immutabiliter : quia quod non erat, assumpsit : et quod erat, permansit. Sic dico veniens non resilit, id est, non refugit ordinari ordinatione humana, in qua homines ordinantur, ordinata a se, id est, instituta et assumpta per assumptionem naturae. Vel non refugit subire a se ordinata, id est, quae sunt ordinata ab ipso humana ordinatione, id est, secundum ordinationem hominis. Et hoc dico assumpta a se, per assumptionem humanae naturae, sed subditur dispositionibus Dei et Patris, id est, Dei Patris. Copula enim notat diversitatem rationis, et non suppositi. Subditur dico obediens factus, et hoc usque ad mortem (ad Philip. ii, 8), et hoc per Angelos, id est, ministerio eorum, et, id est, etiam recessio filii, id est, Christi, ad aegyptum disposita, a Patre annuntiatur Joseph per medios ipsos, id est, Angelos ministros, et iterum similiter annuntiatur transductio, id est, reductio ejusdem ad Judaeam ex aegypto (Matthaei, II, 13-19). Et vidimus ipsum, scilicet Christum ordinatum per Angelos ministros sub lationibus legis paternis, id est, Dei Patris : quia non ue-nit solvere legem, sed adimplere (Matth. v, 17): vel paternis, id est, Joseph et Mariae : quia erat subditus illis (Luc. ii, 51).

Insto enim. Hic ponit sextum exemplum de Angelo confortante Dominum, dicens : Enim, id est, quia insto adhuc exemplis dicere tibi ut scienti ea quae sunt expressa nostris sacerdotalibus traditionibus, id est, in Scripturis sacris nostro sacerdotio traditis, quia uterque Episcopus erat : et, id est, etiam de Angelo confortante ipsum Jesum (Luc, xxii, 43).