PARISIEN. 1 3 9

Cum autem, attento vehementi amore et nimia iuvenum familiaritate, expediret quantocius matrimonium celebrare, et aliunde vir a lege civili gallica prohiberetur usque ad 25 aetatis annum, sine patris assensu etiam coram ecclesia nuptias contrahere, propositum sponsis fuit Tunetum petere, ibique religiosum inire matrimonium.

Quo accepto consilio, sponsi mense Aprili 1880 una cum Margaritae matre eiusque fratre iter aggrediuntur Tunetum versus, cum animo, ut ipsi affirmant, nuptiis coram ecclesia contractis, redeundi in Galliam ut, viro in aetate maiori constituto, etiam matrimonium, quod civile vocant, contra- here possent.

Paucis diebus moram fecisse videntur in oppido Pau, deinde Massiliae, ac demum Hipponae (Bonne) in Africa, ubi per aliquos dies commorati sunt penes advocatum Du- barbier qui, ne optatae nuptiae diutius protraherentur, cura- vit, ut R. Desplas, parochus Hipponae, litteras Superiori Re- ligiosorum Carthaginis mitteret, Vicario Apostolico Tuneti exhibendas, nec non elegit duos amicos, qui tamquam testes interessent matrimonii celebrationi.

Die 22 Maii 1880 Tunetum perventi, die 24 eiusdem mensis coram P. Aemilio a Trevi, Ordinis Capulatorum, Vi- cario Generali Suter Vicarii Apostolici, Petrus et Margarita matrimoniali foedere iuncti sunt in parochiali ecclesia S. Cru- cis, quare in paroecialibus matrimoniorum libris notatum fuit, coniuges domicilium Hipponae habuisse.

Post paucos dies neoconiuges, Tuneto relicto, Hipponam sunt reversi ibique, uti asseritur, aliquot dies commorati, discesserunt, ac tandem Iuliam Caesaream (Alger) petie- runt, in qua fere duobus annis manserunt, usquedum in Galliam regressi fuere.

Cum autem Petrus 25 aetatis annum att igi t , eo quod inhonestam vitam duceret et adulterinis amoribus indulge- rei, mulier recusavit civile vinculum contrahere, imo per- durante eius pessima agendi ratione, anno 1884 illum de- reliquit.