140 MUNKACSEN.

Auditis utriusque coniugis depositionibus sui matrimonii consummationem penitus excludentibus, recensuit Consultor omnium testium septimae manus depositiones quae in prae- senti casu gravissimi ponderis esse nemo non videt, eo vel magis quod omnes non solum unanimes sint, sed quamma- xime conformes utriusque coniugis confessionibus iuramenti sanctitate firmatis, ac matrimonii consummationem omnino excludentibus ; ita ut una voce hanc veritatem conclamare videantur. Quapropter absque ullo verborum apparatu, et ut optatae brevitati consulam, arbitror praecipuum huius causae fundamentum iam in tuto positum esse. Hinc ad rem Coscius lib. 3, De separ. tori, cap. 2, num. 256, a i t : « Con- currente ergo coniugum confessione, maxime si sit reiterata cum iuramento, itemque iuramento septimae manus.. . . pu- blica voce et fama enunciatis, aliisque adminiculis, nil ob- stare posse videtur coniugum potentia ; nam a potentia ad effectum non modica intercedit distantia ».

Ut autem eo magis praedictum assertum pateat, ad tru- tinam breviter easdem depositiones revocavit: ipsae siqui- dem adamussim demonstrant antipathiam coniugis Mariae erga maritum, eodem celebrationis matrimonii momento ex- ortam, et nullis religiosis, sive naturalibus mediis a se re- iectam: pervicaciam constantem ipsius ad negandam suo coniugi matrimonii consummationem etiamsi ad hoc voce, precibus, verberibus, et etiam vi excitata fuerit: pertinax quoque reluctantia ipsius ostenditur ad colloquendum, col- laborandum, ad cibum capiendum cum marito, quinimo ad cohabitandum cum ipso, a quo pluries diurno vel nocturno tempore fugam arripuit, et in silvis aut alienis domibus se abscondit : toties a marito diligenter requisita, et ad con- iugalem habitationem reducta, tantumdem repente ab eadem evasa : saepe insuper ab auctoritate Ecclesiastica graviter admonita, ut cum viro suo pacem iniret, eique obtempera- ret , quinimo a civili etiam magistratu minis perterrita. Quae tamen omnia impavida despexit, sicque de abysso in abyssum prosiliens, in lubricam viam incidit, duasque proles