MUNKACSEN. 141

cum luxuriosis genuit. Merito ergo haec stulta mulier amens,, vel a daemone obsessa putanda est.

Quapropter cum ex dictis constet de matrimonii incon- summatione, inquirendum remanet an iustae extent causae ad dispensationem Pontificis obtinendam. Qua in re unani- mis Theologorum et Canonistarum sententia tenet, animo- rum alienationem primarium locum habere, et ex tota facti specie evidentissime et superabundanter haec diuturna de- cem annorum alienatio demonstratur, cui explicita utriusque coniugis voluntas manifeste adiungitur.

VOTUM CANONISTAE. Praemissa facti specie Consultor ai t : sponte sua exurgit duplex quaestio, scilicet : I. An in casu constet de matrimonii inconsummatione. II. An adsint cau- sae legitimae ad dispensandum super rato et non consum- mato. Duplicem quaestionem, duce canonico Processu, di- rimere aggredior, ut ad conclusionem optatam a Rmo Or- dinario coniugum, opitulante Deo, feliciter perveniamus.

In primis et ante omnia animadvertendum duco, Pro- cessum canonicum huius Causae nullam praeseferre irregu- laritatem. Cuncta enim in substantialibus Processus, ad normam Constitutionis Benedictinae Dei miseratione, confe- cta sunt. Si in eo dicas deesse documentum inspectionis cor- poralis mulieris, responsio habetur in ipsa specie, qua prae- fati sumus. Qua ratione, quonam modo inspicienda integritas mulieris pudendarum, si indubie sciamus, hanc integritatem a muliere fuisse deperditam per commercium carnale cum aliis vir is , ex quo duplex proles enata est, ceu patet ex fidibus Parochorum Processui insertis? Quare Tabulae pro- cessuales et ab ipso vinculi Defensore rite confectae dicen- dae sunt.

At quae continentur in supradictis Tabulis satis sunt ad probandam huiusce matrimonii inconsummationem ? Puto aifirmativam sententiam veriorem esse. Sane cuncti testes septimae manus, ri te, ac sub iurata fide interrogati in eo conveniunt, uxorem illico post initas nuptias aversione et odio fuisse captam erga virum, quapropter cum viro non