146 COLONIENSIS

fundatorum eorumque agnatorum ac amicorum memor erit, necnon diebus dominicis iuventutem in fide catholica instruet. Ut vero beneficiatus pro tempore specialiter fundatorum eo- rumque agnatorum demortuorum et successorum non imme- rito recordetur, sic expresse obligatus erit et volumus, si in hebdomada inciderint duo dies festivi, ut pro iisdem praeter antedicta Deo nihil offerat, si vero hebdomada sine festis libera erit, beneficiatus diebus lunae singulis pro fun- datoribus, successoribus eorumque amicis defunctis, necnon feria quinta sacrum de SS. Trinitate celebrabit et Deo of- feret ».

Verum triginta fere post annos, nempe die 6 Decem- bris 1699, Ioseph Clemens, Archiepiscopus Coloniensis prae- dictam capellani in paroeciam erexit, ipsisque incolis et eo- rum successoribus ius et potestatem praesentandi pro- prium sacerdotem, qui in domo dotis perpetuo residere. . .. Verbum Dei praedicare divinaque officia et quaevis sacra- menta ac omnia animarum curatori incumbentia administrare debeat concedendum duxit.

Qua quidem in re observandum videtur reditus quidem beneficii illius, novae parochiae tunc applicatos esse, at ne- que missae a beneficiato singulis dominicis diebusque festivis celebrandae mentionem esse factam et ius patronatus a. 1668 fundatoribus eorumque haeredibus concessum, a. iam 1699 ipsis loci Schevenhütte incolis concessum esse. Quod quo- modo explicandum sit, ex documentis archivii sive parochialis sive archiepiscopalis haud satis apparet.

Post id tempus vix ulla quae ad rem dilucidandam pos- sent conferre deprehenduntur.

Id solum addendum videtur, capitale mille aureorum, de quo supra sermo factus est, tempore sic dictae revolutionis Franco-Gallicae a Gubernio sequestratum esse. Anno vero 1885 Gubernium Borussicum huius summae necnon usura- rum, in toto summae 17,300 markarum germanicarum, i . e . 21,265 libellarum italicarum, se erga parochiam Scheven- hütte debitorem recognovit et exhinc singulis annis parocho