148 COLONIENSIS

expressam fundatorum voluntatem, nempe « si vero hebdo- mada sine festis libera erit beneficiatus diebus lunae sin- gulis pro fundatoribus, successoribus eorumque amicis de- functis nec non feria quinta sacrum de SS. Trinitate cele- brabit et Deo offeret » ; proinde exquisitum fuit ab Archie- piscopo Colonien., an adhuc in vivis essent heredes funda- torum qui sua iura vindicare valerent.

Ordinarius die 28 Augusti respondit : « quoad beneficium in honorem SSmae Trinitatis ad capellani in Schevenütte Archidioeceseos Coloniensis anno 1668 fundatum et anno 1699 in parochiam erectum, novam inquisitionem institui. Ex ea vero constitit neminem iam in vivis esse qui circa beneficium olim fundatum aut ius patronatus laicale in eo concessum interesse haberet. Sed praeter documenta, quae anno 1893 mihi nota erant, alia quamvis ad rem plane di- lucidandam haud plane sufficientia, inventa sunt ».

Disceptatio Synoptica.

Quibus ex Uteris aperte patet quaestionem hanc esse, an nempe mutationes temporis progressu inductae in fundatione nobilium patronorum ratae habendae sint; cumque mutationis rationes et causae in latebris antiquitatis delitescant quaeri debet an admittenda sit praescriptionis medela. - Siquidem,, in themate, fundationis lex mutationem passa est triginta fere post annos ab edita voluntate piorum fundatorum ; ne- que constat patronos consensisse in erectionem Ecclesiae parochialis, aut in adiectorum onerum mutationem quam, ceterum, Archiepiscopus sua auctoritate decernere non po- terat.

Episcopos vero non posse, sua ordinaria potestate mutare pia legata, aliasque id genus fundationes exploratissimi iuris est, uti pluribus argumentis docet Benedict. XIV De Syn. Dioec. lib. 13, cap. 25, n. 22.

Quamobrem si rata haberi debeant quae interim mutata sunt quoad pristinam fundationem, recursus haberi debet ad vim praescriptionis longissimi temporis, quae dicitur a