154 EX S. G. RITUUM

Ritualis Romani, Caeremonialis Episcoporum et Decretorum Ae- sina 23 Ianuarii 1700 ad 2; Mutinen. 22 Septembris 1837 ad 2; et Toletana, 21 Augusti 1872, ad IL Atque ita rescripsit, die 22 Iulii 1897.

C. CARD. MAZZELLA E P . PRAENESTIN. S. R. C. Praef.

L. * S. D. PANICI S. R. C. Secret

FLORENTINA. Beatificationis et Canonizationis ven. servi Dei Benedicti a Podio Bo- nitio, Sacerdotis professi ordinis Minorum s. Francisci de observantia.

SUPER DUBIO

An constet de Virtutibus Theologalibus Fide, Spe et Caritate, erga Deum ac Proximum, nec non de Cardinalibus Pru- dentia, Iustitia, Temperantia et Fortitudine earumque ad- nexis, in gradu heroico, in casu et ad effectum de quo agitur ?

Vivit in fastis Franciscalis Familiae, vivetque aevo extento Fr. Benedicti nomen viri venerabilis. Ortus est Podii Bonitii in Thuscia prope Florentiam postridie idus septembres anno MDXCI.

Domesticos inter parietes mature hausit pietatem, quae pueri in animum altius immissa sese extulit, explicuitque ae- tate confirmata. In ordinem seraphicum adscitus, brevi ad tan- tam virtutis laudem pervenit ut non pedetentim et gradatim, sed contento cursu, et veluti uno halitu iter arripuisse visus sit.

Caritate in Deum fuit quanta par est eam esse qui ipsius Dei gratia rebus humanis nuntium sponte remisit. Quo autem arctioribus Deo amoribus iunctus, eo proximos tenaciori com- plexus est studio. Verbo Dei praedicando admotus nihil sibi duxit antiquius, quam in animis excolendis et ad meliora verten- dis omnem operam ponere, nullumque unde pietatis fructus perci- pere posset laborem defugere. Qui vero probe intelligebat prae- dicantium mores magis valere quam praecepta, cunctosque exemplo magis quam verbo tribuere, ita se impertire studuit, ut intuentium animos vel externo corporis habitu ad pietatem alliceret.