154 EX S. C. CONCILII

SORANA

IURIUM

Die 29 Aprilis 1899.

Sess. 22, cap. 8, de Ref.

COMPENDIUM FACTI. In oppido vulgo Gallinaro dioecesis Soranae, duae a remotissima aetate extabant Ecclesiae pa- rochiales; altera sub titulo S. Leonardi; sub titulo S. Ni- colai al tera; sed hodie, dirutis Ecclesiis seu solo aequatis, bini supersunt tituli parochiales, qui, ordinario iure, duobus sacerdotibus conferuntur pro explendis muniis parochialibus. Verum una tantum Ecclesia S. Ioanni Baptistae et Evan- gelistae dicata functionibus parochialibus obeundis destinata est, et istam appellat suam Ecclesiam unus et alter paro- chus. Parochus, cui titulus S. Nicolai, honestatur Archi- presbyteri nomine: alius cui titulus S.Leonardi , Abbas vulgo nuncupatur. Quia iuribus parochialibus aeque pollet et Archipresbyter et Abbas ; proinde quisque suis subditis sacramenta administrat; sacra vero in Ecclesia parochiali alternis hebdomadis explent duo parochi, nempe concionem habent ad populum die dominica, et docent Catechesim al- terna vice. Nihilominus plane intelligitur, quanam ratione controversiae usque exarserint Archipresbyterum inter et Abbatem de sacrarum functionum ordinatione et de praece- dentia in iisdem obeundis ; quamobrem hodie etiam apud S. C. C. quaeritur an praecedentiae ius et honos competat Archipresbytero in solemnioribus functionibus.

Praeterea alius et gravior subest discordiarum fomes in constitutione harum parochiarum. Siquidem utraque Eccle- sia parochialis nonnullas iampridem habuit filiales Ecclesias seu cappellas. Primitus quinque recensebantur in oppido Gallinaro cappellae seu beneficia simplicia, quae suos habe- bant Clericos Rectores ; et in hos, contradicente nemine, et iurisdictionem seu primatum et praecedentiam exercebat