EX S. G. RITUUM 155

Ab omni fastu, et moribus imperiosis vehementer abhorrait, seque humili loco natum, mortalium omnium intimum et opis divinae maxime egentem putabat . Praeesse cum posset, obe- dire maluit. Gastimoniam adeo coluit, ut caelestem vitam agere in terris putaretur ab omni corporis contagione seiunctus.

Duo tamen in venerabili viro praesertim emicuere patientia eximia, seseque excruciandi studium singulare. Diuturnum enim, gravemque quo tentatus est, morbum non modo libenter tulit, sed veluti si patientiae exercendae sibi occasio deesset, remediis abstinuit ne melius se haberet. Somni parcissimus vel sub no- ctem solidas horas rerum caelestium commendationi dabat, vel si decumberet strato asseres supponebat quo somnum excute- ret, auctoque supplicio flagris lorisque sese immaniter conci- dere, zona setis aspera pectus obligare, catenula cuspidibus ob- armata femur devincire. Ad haec semel cibum singulis diebus, plerumque capiebat pane contentus et oleribus, sitimque frigida ut plurimum levabat. Hisce attritus cruciatibus in febrem in- cidit morboque ingravescente, cum a medico accepisset sibi exi- tum imminere tanta perfusus est voluptate, ut ea verba usur- pant « Laetatur sum in his quae dicta sunt mihi: in domum Domini ibimus ».

Vulgata Benedicti morte, fletus gemitusque in civitate factus; nec pauci ex finitimis oppidis visere defuncti corpus venere. Cumque efferretur vix est impetratum ut via daretur per con- fertam multitudinem, quae plenis dabat manibus flores, ita ut propior triumpho fuerit honos quam funeri. Ab anno autem MDCLIX, quo vir Dei ad caelestes abiit ita eius sanctimoniae re- cordatio increvit prodigiis etiam illustratae, ut de cultu beato- rum ei decernendo ad S. R. Congregationem causa deduce- retur.

Verum ex eo tempore ob rerum vicissitudines contigit ut actio penes hunc S. O. diu iaceret, donec remotis saecularibus induciis optatissimam metam assequeretur. Ceteris igitur iure confectis, in heroicarum virtutum examen triplici disceptatione peractum est. Nimirum in antepraeparatorio coetu, habito quinto calendas décembres anno MDCCCLXXXIII, ad aedes R.mi Cardi- nalis Thomae Martinelli, paulo post e vivis erepti; altera in prae- paratorio ad Vaticanum decimonono calendas eiusdem mensis anno MDCCCXC ; tertia demum in generali conventu ibidem penes Sanctissimum Dominum Nostrum Papam XIII indicto, decimo-