SORANA 155

Archipresbyter. Progressu aetatum non amplius destinati sunt speciales Rectores hisce bnefidis seu cappellis ; sed al- terum beneficium nuncupatum S. Salvatoris adiunctum fuit beneficio Archipresbyterali a. 1559; duo nempe beneficia S. Oer ardi et S. Mariae supra gyrum a. 1667, beneficio Abbatiali ; et reliqua aliis Ecclesiis circumstantium oppido- rum adiuncta fuerunt.

Ex hoc tempore, asserit Abbas S. Leonardi, Archipre- sbyteri iurisdictionem et iura praecedentiae in clerum op- pidi resoluta fuisse, quippe non amplius constituti sunt Re- ctores filialium Ecclesiarum.

E duobus cappellis seu beneficiis quae assecutus est Ab- bas S. Leonardi, omnium longe praestantissimum iamdiu extitit beneficium et sacellum S. Gerardi, cuius mortales exuviae inibi asservantur. Non enim incolae tantum oppidi Gallinaro, sed oppidani late circumstantes divum Gerardum magna devotione prosequuntur ad eumque turmatim accur- rere, stato tempore, solent, plura eaque pinguia et omni- gena donaria deferentes. Inde alia controversiarum occasio; quoniam Archipresbyter vel oblationum partem vel earum- dem administrationem sibi vindicare cepit, nec non conten- dere non pleno iure neque in perpetuum beneficium S. Ge- rardi fuisse concessum Parocho S. Leonardi.

Huiusmodi quaestiones, vehementius sub hisce postremis annis agitatae, delatae sunt ad Curiam Episcopalem ; et haec in primis incubuit in perquirendis antiquis documentis, quae docerent statum et iuridicas relationes contendentium Ec- clesiarum. Exinde e latebris Archivii in lucem vindicatum fuit quoddam decretum Episcopi Giovanelli qui occasione S. Visitationis a. 1610 iussit, in Sanctuarium S. Gerardi neque Archipresbytero neque Parocho immediate competere curam et munus Administratoris, sed immediate Episcopo; cuius erat Sacerdotem, pro suo arbitrio, ad hoc munus de- stinare. Huic evulgato decreto neque Archipresbyter, neque Abbas acquieverunt et apud S. O. C. instarunt pro suis tu- tandis iuribus quae arbitrabantur isto decreto pessumdari.