138 EX S. G. CONCILII

alicuius privati , debentur Ecclesiae Parochiali in cuius li- mitibus est illa imago... quod procedet etiam si oblationes fiunt ad altare in capella alicuius Ecclesiae. Nam nihilo- minus cedunt Parochiali, intra cuius limites Ecclesia illa sita est » (comm. in Decr. ad cap. 9, Pastoralis , de his quae fiunt, n. 13, 14, 16 et 25). Et denique, haec docet Augustinus Barbosa : « Verior et hodie receptissima senten- tia est quod sive in parochiali positae sint sacrae imagines : sive extra, intra limites tamen paroeciae, habet fundatam intentionem Parochus super omnibus oblationibus contingen- tibus intra limites et ad eum spectant » (de off. et pot. Pa- rochi de oblat. cap. 24, n. 29). « Oblationes quae fiunt in parochia sunt parochi; et quae fiunt capellae vel picturae sitae intra limites paroeciae Sacerdoti rectori seu parocho illius paroeciae competunt ».

Qui non modo hanc regulam tradunt, pergit orator, sed ita interpretantur, ut in partem quae Parocho faveat, si quid dubium videatur, accipiant. Fieri potest ut in aliquo sacello sit minister (vulgo capellanus), qui sacris operetur, quique dona a fidelibus lata sibimet ipsi debere contendat. Sed responsum est, parochi iura sarta tecta servanda : et parocho, non sacelli ministro dona 'ista deberi. « Oblationes quae fiunt in capella vel oratorio sito intra fines paroeciae non capellae vel cappellano, sed Ecclesiae parochiali vel parocho debentur » (Pirhing. ius Eccl. I. 3, tit. 30sect. 7, § 179). Haud aliter si Caelitum imagines Cathedrali in Ec- clesia colantur : et Episcopus, in sua tamquam Ecclesia sibi stipem assumat : « Ampliata eadem conclusio ut locum ha- beat etiam in oblationibus factis sacrae imagini existenti in Cathedrali Ecclesia : quia non quaeruntur Episcopo sed Ar- chipresbytero curam animarum ibi exercente » (Fagnanus loc. cit. n. 26). Nec aliter si sacerdos inter sacra muneri- bus a populo muneretur : « Ampliatur ut procedat etiam si oblationes offerantur in missa presbytero celebranti : non enim cedunt Presbytero, sed Rectori Ecclesiae » (idest Parocho) (Fagnanus ibid. n. 27).