159. De Sanctis Reliquiis.
Ad Nocturnum.

1. Hac in die jucundemur

Spiritali gaudio,
Hoc in templo collaetemur

Sanctorum collegio,
Quorum coelis perfruemur

Perenni consortio.
2. Lignum crucis fert insignem

Titulum victoriae,
Dulce lignum, ligans ignem

Caritatis numine,
Christianae dans insignem

Triumphum militiae.
3. Ubertate debriatis

Verae vitis germine
De torrente voluptatis

Haustum praebes, Domine,
Certis de jucunditatis

Stolae dote geminae.

4. Pie praesul, o Marine,
Tuis da precatibus,

Ut a cladis hinc marinae
Transferamur fluctibus,

Portum pacis da divinae
Junctis coeli civibus.

5. Qua quiescis, Euphrosyna,
Virgo sacratissima,

Nobis aurem huc inclina,
Prece fac piissima,

Ut mundemur a sentina
Culparum putrissima.

6. Flori florum Christo flores,
Felix o Florentia,

Hunc, oramus, ut exores,
Ut sua clementia

Nobis coeli pandat fores
Post haec vitae spatia.

7. Patri summo jubilameD,
Cujus est creatio,
Nato perpes moderamen,

Cujus reformatio,
Sacrum nos illustret flamen,
Criminum remissio.

II.

DE SANCTIS.