EXPOSITIO TEXTUS.

A. Et primam quidem, etc.

Hic incipit manifestare tres positas hierarchias, et primo primam, secundo secundam, ibi, Secundam vero, etc. ; tertio tertiam, ibi, Et ternarum, etc.

Littera sic legatur:Et sanctus perfector. quidem, id est, certe dicit primam, scilicet hierarchiam, me traditam a scriptura existentem semper circa Deum, non habens.ministerium in nos, per se autem uniri ipsi, scilicet Deo attente, quia tota fertur.in ipsum, et immediate ante alias, s cilicet hierarchias inferiores : enim, id est, quia ipse perfector ait manifestationem, divinorum eloquiorum, id est, sacram Scripturam manifestantem eas, tradere sanctissimos Thronos, et ordines oculosos et pennosos, ut describuntur in prima visione Ezechielis et Isaiae. Ordines dico adspectu, nominatos voce Hebraeorum Cherubin, quantum ad. oculosos, propter limpidum adspectum divinae claritatis, et Seraphin quantum ad pennosos, propter sublimitatem contemplationis. Hos dico, ait immediate collocari circa Deum secundumpropinquitatem superpositam, idest, perquam super ponuntur omnibus, scilicet ordinibus. Ergo, id est, ex quo isti tres ordines sunt supremi, communis Magister noster, id est, Paulus

vel Ierotheus ait hunc trinum ornatum, scilicet trium dictorum ordinum esse quasi unam hierarchiam, et aeque ordinatam, scilicet in summo propinquitatis ad Deum, et vere primam, qua scilicet hierarchia prima, non est alia deiformior, id est, Dei similior : nec est alia intentior, id est, magis intenta immediate, id est, sine medio a quo illuminetur. Intentior dico illuminationibus divinitatis praeoperantibus, id est, ante operantibus, quia nisi ipsa prius illuminet, nihil illuminare potest per se, id est, sine medio operantibus in prima hierarchia.