DIVISIO ET EXPOSITIO TEXTUS.

A. Hunc ergo nos recepturi, etc.

In praecedenti capite divisit caelestem hierarchiam in tres. In parte vero ista de unaquaque earum per se determinat . Et dividitur in partes tres, secundum quod de tribus hierarchiis determinat. Secunda incipit in cap. VIII, ibi, Transeundum autem, etc. Tertia in cap. IX, ibi, Reliquus nobis in, etc.

Praesens autem caput, in quo primo de prima hierarchia determinat, dividitur in partes duas. In prima enim determinat de primis tribus ordinibus. In secunda de hierarchia eorum, ibi (sig. 7), Dicendum vero, etc.

Prima iterum in duas. In prima ponit modum quo accipienda est cognitio istorum ordinum : quia accipitur secundum delarationem nominum quibus in sacra Scriptura denominantur. In secunda se- mis cuilibet earum insitae, proprietatis declarationem continere profitemur.

Ac sanctam quidem seraphim ap pellationem, Hebraice periti aiunt vel incensores interpretari vel calefacientis ; cherubim vero, copiam cognitionis sive sapientiae diffusionem.

cundum hunc modum proprietates eorum accipit, ibi (sig. 4), Mobile etc.

Circa primum tria facit. Primo ponit modum quo procedendum est in determinatione istorum ordinum : quia per eorum nomina. Secundo ex eorum nominibus concludit eos esse in prima hierarchia ibi (sig. 2), Pulchre igitur, etc. Tertio ponit eorum nomina per quae proprietates accipiet, ibi (sig. 3), Calefacientes ergo.Littera sic legatur : Diximus, quod nihil proprio motu dicendum esset, sed exponendo quae in Scripturis sunt tradita : et ideo nos recepturi hunc ordinem sanctarum hierarchiarum, id est, angelicarum, id est, hanc dispositionem tractandi, dicimus quod omnes cognominationes caelestium intellectuum, id est, Angelorum, habent declarationem proprietatis deiformis uniuscujusque eorum, id est, continent in se unde declarari possint.

Et nota, quod dixit cognominationes et non nomina: quia cognominatio sumitur ab eo quod est, additum naturae, sicut etiam in hominibus, unde nomina ista ordinum imponuntur a donis superadditis naturae, quibus gradum hierarchicum sortiuntur, et non a natura ipsorum : et ideo etiam non dixit, quod declarent proprietates naturales eorum, sed deiformes, quibus scilicet Deo similes in participatione doni et consortio potestatis efficiuntur. Naturales enim proprietates eorum non sunt notae nobis.