g X.

Securus: quia non patet malignantibus, id est, daemonibus et vitiis, ut inde violenter possint abstrahere eos qui ad ipsum confugerint. Non est enim qui de manu tua possit eruere . Idcirco de Maria dicitur, Isa. IV, 6 : Erit in umbraculum diei ab aestu, et in securitatem, etc. Cantic. VI, 9, super illud : Terribilis ut castrorum acies ordinata, dicit beatus Bernardus : " Non est timens hostes visibiles ". (Quaere supra titulo de nomine, Maria.)

Stabilis in plenitudine virtutum suarum et deliciarum, quae non marcescunt non corrumpuntur, non deficiunt, non veterascunt. Ezechiel. xlvii, 12: Nondefluet folium ex eo, et non deficiet fructus ejus :...quia aquae ejus de sanctuario egredientur, etc. Ibidem : Per singulos menses afferet primitiva, etc. Apocal. XXII, 2: Per menses singulos reddens fructum suum. Et in Isaia, lviii, 11, dicitur Mariae : Eris quasi hortus irriguus, et sicut fons aquarum, cujus non deficient aquae,

Faecundus : quia flante austro, id est, Spiritu sancto adspirante faecundatus,per quem fructum reddit multiplicem. Faecundus, inquam, in. virore herbarum, in pulchritudine foliorum, in diversitate fructum, in redolentia aromatum, in umbrositate frondium, in melodia avium, in decursu fontium, et hujusmodi. Et de hac foecunditate habetur, Cantic.IV, 13 : Emissiones tuae paradisus malorum punicorum cum pomorum fructibus. In verbis istis hujus horti faecunditas demonstratur : nam emissiones et productiones Virginis dicuntur esse paradisus cum omnibus fructibus et arboribus, herbis et aromaticis et unguentis: et per paradisum signatur Ecclesia, maxime autem per mala punica universa sanctorum collectio totusque paradisus designatur : nam sicut in malogranato singulis granis singulae cellulae deputantur, et nihilominus in una cella ordinantur grana plurima, et tandem sub uno cortice omnia continentur : sic in aeterna felicitate, cum dispar sit claritas sanctorum, et dispar praemium quorumdam, tamen una est dignitas et omnium unum est gaudium. Bene ergo dicitur Mariae : Emissiones tuae, etc, quia ex ipsa totus paradisus processisse dicitur, sicut fructus de flore : quia ipsa initium praestitit salutis et gratiae.

Item, Tria beneficia quasi triplicem fructum nobis exhibuit faecunditas hujus horti. Primum, quod jugum antiquae captivitatis amovit. Secundum, quod divinae indignationis iram pacificavit. Ter- tium, quod notam humanae iniquitatis delevit. Captivus enim tenebaris, o homo, per Mariam liberatus es. Offensam Dei incurreras, per Mariam reconciliatus es. Iniquus et peccator exstiteras, et per illam justificatus es. Quid enim dulcius libertate post captivitatem, et justificatione post impietatem, reconciliatione post offensam? Ad Mariam ergo tota justorum vita, devota desideria, sanctae meditationes, justae operationes, crebrae gratiarum actiones, et caetera hujusmodi respicere debent, ut ex his omnibus praecipue honoretur quae prae caeteris sanctis omnibus causam aeternae salutis operata est nobis. Age ergo tu qui in tantis Mariae respiras beneficiis,et ad ipsam vota tua et desideria converte, et dulce tibi sit hanc foecunditatem semper inquirere, et in horti hujus umbra quiescere, qui bonorum spiritualium longa tabefectus media, et longo taedio pravi itineris hactenus laborasti. Accedat ad. eam qui adhuc longe est, qui jam apprehendit eam, amore et servitio spirituali teneat, nec dimittat.

Deliciosus, affluens scilicet et abundans omnibus spiritualibus imo et corporalibus deliciis. Unde, Cantic. VIII, 5, dicitur deliciis affluens. Beatus Bernardus : " Quid nisi delicias dixerim virginitatis decus cum fecunditatis munere, humilitatis insigne distillantem charitatis favum, misericordiae viscera, plenitudinem gratiae, praerogativam gloriae singularis. " Propter hujusmodi delicias cantat ei Ecclesia: " Speciosa facta es et suavis in deliciis tuis, " id est, tibi soli convenientibus. Quia multae filiae congregaverunt divitias, tu supergressa es universas .

Item, Deliciae Mariae virtutes et privilegia quae ipsi soli conveniunt, quorum merito a deliciis omnium sanctorum translata est ad delicias regis et Domini Angelorum, Et bene virtutes ejus deliciae sunt: quia non solum homines et Ange-

los, sed etiam divinos provocabant adspectus. Unde et dicitur de ea, Jerem, VI, 2 : Speciosae et delicatae assimilavi filiam Sion, id est, Mariam.

Aliter : Deliciae sunt cibi et potus delicati : et ipsa delicatissimo favo charitatis suae, delicatissimo lacte liberam suorum nutrivit Filium Dei et suum. Unde et Filius suus, Cantic. v, 1, gloriatur dicens : Comedi favum cum melle meo, bibi vinum meum cum lacte meo. (Quaere paulo infra, ubi hortus iste dicitur satians,)