EX S. G. INQUISITIONIS 191

DUBIUM : an validum s i t matrimonium celebratum coram parocho non proprio per delegationem parochi proprii, quando alter ex sponsis, a proprio designatis, ab alio fuerit repraesentatus.

Beatissime Pater,

Episcopus N. N., ad pedes Sanctitatis Vestrae provolutus, humiliter exponit quae sequuntur.

Ioseph F. et Maria G. ambo parochianae Ecclesiae S. Se- bastiani , post factas pro ipsis publicationes matrimoniales in praefata propria Ecclesia, petierunt a parocho eiusdem Eccle- siae, ut facultatem ipsis faceret celebrandi matrimonium in alia paroecia, idest in paroecia S. Andreae.

Parochus illis morem gessit deditque illis litteram ad pa- rochum S. Andreae, quibus ipsum delegabat ad benedicendum matrimonium inter duas praefatas personas expresse nomina- tas, idest Ioseph F. et Mariam G. - Sed coram parocho S. An- dreae non apparuit Ioseph F. cum Maria G., sed Georgius M. cum Maria G. ad contrahendum matrimonium.

Parochus S. Andreae, qui personaliter non cognoscebat personas, credens illos esse, de quibus in litteris delegatoriis, benedixit matrimonium inter Georgium M. et Mariam G. et non inter Ioseph F. et Mariam G., prout erat in praefatis litteris de- legatoriis.

Quoniam Georgius M. timebat ne matrimonium suum cum Maria G. a parentibus impediretur si nomen ipsius apparuisset in bannorum publicatione, et si personaliter se praesentasset coram proprio parocho, sic de condicto malitiose et de con- sensu puellae alium suffecit, idest Ioseph F., pro quo factae fuerunt publicationes bannorum, in cuius favorem parochus dedit litteras delegatorias ad alium sacerdotem ad benedicen- dum matrimonium.

Eo ipso die, quo celebratum fuit huiusmodi matrimonium, parentes et consanguinei Georgii M. impedierunt ne sponsa tra- deretur ad domum sponsi, et statim detulerunt casum ad Cu- riam. Episcopus statim ordinavit separationem huiuscemodi nuptorum, quousque causa examinaretur et decideretur.

Instituto igitur et facto processu ad normam Constitutionis Dei miseratione, Episcopus tulit sententiam contra validitatem matrimonii attentati inter Georgium M. et Mariam G., declara-