192 EX S. G. INQUISITIONIS

vitque illud invalidum esse et nullum propter impedimentum clandestinitatis. Etenim neuter sponsorum pertinebat ad iuris- dictionem parochi S. Andreae, qui benedixit, seu adstitit ma- trimonio tantum ex delegatione. Delegatio autem data fuit illi a parocho iurisdictionem habente ad benedicendum matrimo- nium inter Ioseph F. et Mariam G. et non inter Georgium M. et Mariam G. Delegatus vero tantam solummodo facultatem habet, quantam illi delegans communicavit

Episcopus Orator nullum habet dubium circa sententiam a se prolatam et opinatur matrimonium in quaestione omnino invalidum esse. Verum quia aliqui Missionarii et sacerdotes contrariam habent opinionem, postulat humiliter a S. Congre- gatione, ut ei significare dignetur utrum recte tulerit senten- tiam de ipsius matrimonii invaliditate.

Feria IV, die 2 Augusti 1899.

In Congregatione Generali S. R. et U. Inquisitionis coram Emis et Rmis DD. Cardinalibus in rebus fidei et morum Ge neralibus Inquisitoribus habita, proposito supradicto casu, post diligentem accuratamque discussionem, praehabitoque RR. DD. Consultorum voto, iidem EEmi ac RRmi Patres rescribendum mandarunt :

Affirmative ; idest sententiam Curiae Episcopalis esse con- firmandam.

Sequenti vero feria VI, die 4 eiusdem mensis et anni, in solita audientia a SSiîio Dno N. Leone Pp. XIII R. P. D. As- sessori S. Officii impertita, SSmus D. N. praefatam resolutionem EEmorum ac RRmorum Patrum approbavit.

I. Can. MANCINI, S. R. et U. lnquis. Aot.