182. In Translatione s. Martini Turonensis.

Badbodi, Traiectensis Episcopii?)

1. Ave, summa praesulum,

2. Eia, o Christi gemma,
meritis inclita,
virtute lucida.

3. Nos audi tua festa
colentes annua
mundo celebria.

4. Alme pater, vox nostra
te cantat
laude sonoras

5. Tu pro nobis, spes nostra,
Martine,
Deo supplica.

6. Te Asia

notum in Europa
laudat omnis et Africa,
gemma caeli fulgidissima ;

7. Te Gallia,

te patrem Francia,
tua supplex ac Fresia
colit te fide catholica.

8. Caecis das viam
mutisque loquelam ;
tu nos adiuva.

9. Mundans, immunda
qui fugas daemonia,
nos hinc libera.

10. Qui suscitator
trium mortuorum
fueras, laxa
nostrae mortis vincula ;

11. Qui infirma iam
curasti corporum
plurima, sana
nostrae mentis vulnera.

12. Qui Christum tua
chlamide partita
tectum videras
nocte secunda,

13. Fac prece tua,

criminum ut solvat
nobis debita
Christi gratia.

14. Laus tua Christus erat,
quem tota

semper mente colebas ;
hunc pro nobis implora,

15. Quo lapsis remedia
tribuat

praestans culpis veniam ;
haec precibus impetra.

16. Lux super te
effulsit angelica,
dum libas mystica ;
nos per te
protegat Christi dextera.

17. Mortis metam

qui tuis praedixeras
nil mortem trepidans,
a morte
animae tu nos libera.

18. Traiecti

te chorus flagitat:
o Martine,
praesulem cum clero
Deo commenda,

19. Per tua

nos ut sufiragia
mereamur
perfrui iam tecum
luce superna.