185. De s. Materno Treverensi.

1. O Materne, pastor alme
Christique clare ierarcha,

2. Qui Gallica rura
replesti
sana doctrina

3. Cum sociis sacris
enoda
nostra piacla.

4. Tu principis
apostolorum
executus es praecepta

5. Euchario
Valerioque
subiugando pia colla.

6. Iam comes itineris
Galliam docturus
praev.eniris morte prima,

7. Sed, quamquam convioli
lugeant te sacri,
vere liber a secunda.

8. Deponeris ac pausitas
hic quater denos,
heu, iam soles sub querela.

9. En, repedant consocii,
iussu magistri
te suscitant voce clara:

10. "Surge, Materne,
linque funebria,
Fortis adesto,
Christi iam vernula
Victurus successu
totidem annos
episcopi sacra cura!"

11. Quis non stupescat
tanta miracula,
Tam inaudita
tamque deifica,
Quae Christus pro nostrae
causa salutis
per te fecit, o toparcha?

12. Tu celebrantibus
servulis clemens
tutor esto tua festa.