EXPOSITIO TEXTUS.

Littera sic legatur : Praedictas proprietates docet nominatio Seraphin. Vero, id est, sed ipsa nominatio Cherubin docet cognoscibile eorum, id est, perspicacitatem naturalem ad cognoscendam ordinata ad munus gratiae : et docet eum esse deividum, id est limpide videntem Deum per munus gratiae supperaddifum, et hoc quantum ad objectum : et docet ipsum esse acceptivum altissimae dationis luminum, id est, ad copiam accipientem immediate in ipso fonte luminum quo intellectus ejus confortatur ad capienda divina : et docet eum esse contemplativum rerum in propria virtute operatrice, id est, in Deo cujus est omnia operari : et docet eum esse repletum divinae pulchritudinis, in quantum accipit in fulgore luminis ideas quae sunt in mente divina, quibus omnino obedit ma-

ieria, et inde resultat pulchritudo : et docet eum esse repletum sapientificae traditionis, cognoscendo ordinem quem tradit Deus res producendo sapienter : et docet eum esse communicatum sapientiae sibi donatae a Deo copiosae fusioni, id est, effusioni ad secunda, id est,ad inferiora. Et dicuntur communicare fusioni per modum quo fons communicat rivo ut crescat lacus : vel possunt omnia legi neutraliter sicut agnoscibile.

6